Umukinnyi Hakili Mabula Peter wakiniye ikipe ya Rayon Sports, Amavubi kuri ubu akaba ari kapiteni w’ ikipe ya AS Kigali yarushinze na Uzabakiriho Florence bari bamaranye igihe bakundana. Ubu bukwe bwari butangaje bukaba bwari bwahuruje abaturage benshi batuye mu Nkoto.
Kuri iki cyumweru tariki ya 12 Nyakanga 2015 nibwo ibyari bimaze igihe ari amagambo cyangwa biri ku mpapuro z’ ubutumire, byashizwe ku mugaragaro maze kapiteni wa AS Kigali afata umuhanda yerekeza mu Nkoto gusaba umugeni we Uzabakiriho Florence, bari baranemerenyije kubana nk’ umugore n’ umugabo imbere y’ amategeko, uyu muhango ukaba warabaye ku wa gatanu tariki ya 10 Nyakanga 2015.
Umuhango wo gusaba no gukwa wari ibirori bikomeye imbere y’ imbaga y’ abaturage bari bakubise buzuye ahasanzwe haremera isoko rya Nkoto, Hakili Mabula wari wambariwe n’ abakinnyi bagenzi batandukanye nka Tuyisenge Donatien bakunze kwita Jojoli, Hegman Ngomirakiza ukinira APR FC na Tubane James ukinira ikipe ya Rayon Sports, yaje guhabwa umugeni we maze impundu ziravuga.
Nyuma yo guhabwa umugeni, Hakili Mbula na Flerence wari umaze gusezera ku muryango we n’ ababyeyi be hamwe n’ abavandimwe, bari kumwe n’ abari babagaragiye berekeje kuri Katedarale ya Sainte Famille, basezerena kuzabana akaramata imbere y’ Imana nk’ uko imyemerere yabo ibiteganya.
Gusa imihango yo kwiyakira ntiyaje kugenda neza nk’ uko byari byateguwe kuko Polisi y’ igihugu yaje guhagarika ibyuma birangurura amajwi ntese binapakirwa imodoka ya Polisi birajyanwa kubera ikibazo cy’ urusaku rutemewe mu mjyi wa Kigali.
UKO UBUKWE BWAGENZE MU MAFOTO:
Mabula n' abamwambariye
Tubane James wa Rayon Sports, Ngomirakiza Hegman wa APR FC na Jojoli nibo bamabariye Mabula
Abakobwa b' indobanure nibo bambariye Mabula
Umugeni yaje agaragiwe n' itorero ry' ababyinnyi ryabyinaga gakondo
Uzabakiriho Florence asuhuza Mabula wari umaze kumwegukana nawe agahita amwambika impeta
Abageni bahanye impano biratinda
Mabula ati ngwino kwereke umuryango
Florence shimira ababyeyi ba Mabula kuko bamubyariye umugabo
Jojoli niwe wari Parrain wa Mabula bakinanye igihe kinini
Abakinnyi ba AS Kigali bari baherekeje kapiteni wabo
Abasore n' inkumi bari bambariye Hakili Mabula
Mu bari mbambariye umukobwa nta musore wari urimo
Byari ibyishimo ku bageni
Abaturage bari bakubise buzuye ariko nako basoma kuri primus
Abageni baherekejwe n' isinzi y' abantu
Abageni bicaye muri kiliziya
Aho abageni biyakiriye ni uku byari byifshe
Sugira Erneste yari yaje gushyigikira kapiteni we anagaragiwe
Aho kwiyakirira ni uko hari hateguwe
Ndikumana Bodo na mugenzi bari baje gushyigikira kapiteni wabo
Eric Nshimiyimana nawe yari ashyigikiye umukinnyi we
Ibyuma byose byari byateguwe byaje gutwarwa na Polisi y' igihugu aho yashinjaga ubu bukwe gusakuriza abantu
Eng
RSS 
TANGA IGITECYEREZO