Real Madrid yongeye kugaragaza imbaraga zayo mu mukino wa kabiri wa 1/2 cya Copa del Rey, aho yavuye inyuma y’ibitego bibiri, igatsinda Atletico Madrid ku kinyuranyo cy’ibitego 5-4, nyuma yo kunganya 4-4 mu mukino wo kwishyura wabaye kuri uyu wa Kabiri.
Ni umukino wari urimo ibihe bidasanzwe, aho Real Madrid yaje gusanga yatsinzwe ibitego bibiri hakiri kare, mbere yo kugaruka mu mukino ku buryo butangaje.
Abasore ba Carlo Ancelotti bakomeje kugerageza
gushaka uko bakwigobotora igitutu cyari cyabashyizweho n’iyi kipe y’abaturanyi.
Ibyo byatanze umusaruro, kuko Real Madrid yabashije kubona ibitego bine
byatumye irangiza umukino ku ntsinzi.
Nyuma y’uyu mukino, umutoza wa Real Madrid, Carlo Ancelotti, yagize ati: “Intego yacu yari ukwegukana itike y’umukino wa nyuma, kandi twabigezeho.
Umukino wari ufite uburanga bwawo, harimo amakosa amwe
n’amwe, ariko byari bishimishije. Ntidushobora gutekereza kuri ibi cyane,
ahubwo tugomba kwitegura umukino ukurikira.”
Nubwo Real Madrid yinjijwe ibitego bine, Ancelotti yanze kunenga abakinnyi be, ahubwo ashimira ubudasa bagaragaje mu busatirizi. Yanagarutse kuri David Alaba, witsinze igiitego, avuga ko ari ibyago, atari amakosa ye, ariko yibutsa abakinnyi be ko bagomba kwitonda mu bwugarizi.
Ati “Si byiza
gutsindwa ibitego bine, ariko twagize imbaraga nyinshi mu busatirizi. Ntabwo
byoroshye gutsinda Atletico ibitego bine, bityo ndumva twitwaye neza.”
Real Madrid, imaze gutwara Copa del Rey inshuro imwe gusa mu myaka irenga 10, izahura na Barcelona cyangwa Atletico Madrid ku mukino wa nyuma uzabera i Seville mu kwezi gutaha.
Barcelona na Atletico Madrid banganyije ibitego 4-4 mu mukino ubanza, bityo ikipe iza gutsinda umukino wo kwishyura izahura na Real Madrid ku mukino wa nyuma witezwe na benshi.
Umutoza wa Real Madrid yishimiye abakinnyi be bamufashije kugera ku mukino wa nyuma wa Copa Del Rey
Real Madrid izahura ku mukino wa nyuma n'ikipe izarokoka hagati ya FC Barcelona na Atletico Madrid
Eng
RSS 
TANGA IGITECYEREZO