Ahabanza Imikino

Uko Chelsea yatsinzwe n'abatarengeje imyaka 21 bikarakaza umutoza agahita akuraho ikiruhuko

Yanditswe na: Aloys Niyonyungu
Taliki:29/03/2025 10:37 0

Umutoza Enzo Maresca yaratanguwe aranarakara cyane nyuma y'uko Chelsea nkuru itsinzwe niy'abatarengeje imyaka 21 ndetse ahita akuraho n'ikiruhuko bari bemerewe. ‎

Chelsea ya mbere yarimo abakinnyi batahamagawe mu makipe y'Igihugu barimo Jadon Sancho gusa birangira batsinzwe ibitego 3-0 n'ikipe y'abatarangeje imyaka 21 ndetse yewe ikaba harimo bake basanzwe bakina mu y'abatarengeje imyaka 16.

‎‎Muri ibi bitego harimo 2 byatsinzwe na Donnell McNeilly w'imyaka 19. Ibi byarakaje umutoza wa Chelsea,Enzo Maresca ahita akuraho ikiruhuko abakinnyi b'ikipe ya mbere bari baremerewe ku wa Kane w'iki Cyumweru.

‎‎Uyu mutoza kimwe mu bintu akanira ni imyitozo dore ko akunze gushwana n'abakinnyi aho mu gihe hari utayikoze neza bimuviramo gusiba imikino nk'uko byagenze kuri Noni Madueke mu minsi yashize bikamuviramo gusiba imikino 2.

‎‎Ikipe ya Chelsea iri kurwana no guzasoreza mu makipe 5 ya mbere muri Premier League kugira ngo izakine UEFA Champions League mu mwaka utaha w'imikino ndetse iri no kurwana no kureba uko yazegukaga igikombe cya Conference League dore ko yageze muri 1/4.

‎‎Iri kwitegura kuzagaruka muri shampiyona ikina Tottenham Hotspur mu Cyumweru gitaha gusa ku munsi w'ejo yakiriye inkuru nziza ko Cole Palmer na Noni Madueke bari baravunitse batangiye imyitozo.

‎