Imikino 5 yinjiriza agatubutse abakinnyi bayo

Nyamara nubwo iyo mikino yinjiza agatubutse, hari iyamaze gutera intambwe mbere y’indi ku buryo imwe muri yo ihemba agatubutse binatuma abayikina binjiza menshi.

Dore uko imikino ikurikirana mu kwinjiriza abayikina amafaranga;

1.   Umupira w’amaguru

Nk’uko amakuru ahari yo mu mpera z’umwaka wa 2024, Cristiano Ronaldo niwe mukinnyi wo muri ruhago winjiza agatubutse aho yinjije Miliyoni $260 muri ayo akaba hari miliyoni $200 mu mushahara/ibihemo ndetse na miliyoni $60 mu kwamamaza.

2.   Golf

Nubwo ari umukino udakunzwe mu Rwanda, uyu mukino ukunzwe gukinwa n’abakire ndetse binatuma uza ku mwanya wa kabiri mu mikino yinjiriza menshi abakinnyi bayo. Jon Rahm niwe mukinnyi winjiza menshi aho yinjije Miliyoni $218

 nk’uko Forbes ibitangaza.

3.   Basketball

Ni umukino ukunzwe n’abatari bake ku Isi byumwihariko ab’igitsina gore. LeBron James niwe mukinnyi ukina uyu mukino winjiza menshi aho mu mwaka ushize yinjije Miliyoni $128.2 zavuye muri miliyoni $48.2 mu mushahara/ibihemo na miliyoni $80 mu kwamamaza.

4.   Umupira w’amaguru wo muri Amerika

Nubwo ari umukino benshi badasobanukiwe, uyu mukino ubamo agatubutse ku buryo uza ku mwanya wa kane mu mikino itanga agatubutse ku bakinnyi bayo.

Lamar Jackson niwe mukinnyi winjiza menshi mu bakina uyu mukino akaba yarinjije Miliyoni $100.5 zavuye muri miliyoni $98.5 mu mushahara/ibihemo na miliyoni $2 mu kwamamaza.

5.   Isiganwa ry’imodoka (Formula 1 – F1)

Uyu niwo mukino wa gatanu utanga agatubutse ku bakinnyi bakina uyu mukino aho umukinnyi winjiza menshi ari Lewis Hamilton na Max Verstappen aho buri umwe winjiza hafi miliyoni £50.

Nubwo hari indi mikino ishobora kwinjiza agatubutse, akenshi usanga ari amafaranga y'umunsi umwe cyangwa se iyo mikino ikaba idahemba amafaranga menshi abakinnyi benshi bitewe n'abayikina.