FC Barcelona y’Abagore yatsinze ikipe ibitego 30-0

Iyi ntsinzi ni imwe mu zikomeye zabaye muri iyi shampiyona, ikomeza gushyira Barcelona ku mwanya wa mbere, mu gihe Cerdanyola Vallés yo ikomeje gutakaza amanota, igasigara ku mwanya wa nyuma.

Kugeza ubu, FC Barcelona WFC ya gatatu (C) imaze gutsinda ibitego 154 mu mikino 23, bikaba birenzeho ibitego 81 ku ikipe ya kabiri ifite ibitego byinshi muri shampiyona.

Iyi kipe kandi ifite ubwugarizi bukomeye kuko imaze kwinjizwa ibitego 6 gusa, bigaragaza uko irusha andi makipe. Naho Cerdanyola Vallés, yo imaze gutsindwa ibitego 175, ikaba ari yo kipe yinjijwe ibitego byinshi muri iyi shampiyona.

Muri uyu mukino, FC Barcelona yatsindaga igitego buri minota 5, aho igihe kinini batabonye igitego cyabaye hagati y’iminota ya 55 na 63, nyuma yo gutsinda igitego cya 16-0. Icyo gihe ni bwo Cristina López yatsinze igitego cya 17. Umukinnyi Noa Ortega yigaragaje cyane muri uyu mukino, atsinda ibitego 9, bingana na hat-trick eshatu mu mukino umwe.

Iyi ntsinzi ya FC Barcelona y’Abagore ‘C’,ni imwe mu zigaragaza ko iyi shampiyona ifite icyuho kinini mu rwego rw’amakipe ahanganye.

Barcelona imaze gutsinda imikino 22, inganya umwe gusa, mu mikino 23 imaze gukinwa, igaragaza ko iri hejuru cyane y’andi makipe mu cyiciro cya Preferente Femenina Catalana.

FC Barcelona ya Gatatu mu cyiciro cy'Abagore yafashe ikipe iyitsinda ibitego 30-0