Ubushakashati bwakozwe na Dr. Yoshikazu Shirai na bagenzi be bo muri Kaminuza ya Pest Control Technology mu Buyapani, bwagaragaje ko amaraso yo mu itsinda rya O (Group O) akurura imibu incuro zikubye Kabiri ugereranyije n’andi maraso.
Bisanzwe
bizwi ko amaraso ya muntu agabanyije mu matsinda ane ariyo A, B, AB na O, yose
agenda abamo ibice bibiri bigabanywa bitewe n’icyitwa rhesus aho ushobora kugira -
cyangwa +.
Ubu
bushakashatsi bwa Dr. Yoshikazu Shirai bwakozwe mu 2004, bwemeza ko amaraso yo
mu itsinda O ariyo akundwa n’imibu cyane kurusha ayandi, hagakurikiraho ayo mu
itsinda rya B.
Dr.
Yoshikazu si we wenyine wakoze ubushakashati bugamije kureba amaeaso akurura
imibu cyane kurusha andi, kuko urubuga healthline.com ruvuga ko hari ubwakoze
mu 1974 ndetse n’ubundi bwakozwe mu 2019, bwose bwemeza ko imibu yishimira
amaraso yo mu itsinda rya O kurusha andi yose.
Usibye
amaraso, abahanga bavuga ko hari ibindi bintu bishobora gutuma umuntu akurura
imibu kurusha bagenzi be. Harimo nko kuba umugore utwite akurura imibu kurusha udatwite,
inzoga, ibara ry’imyambaro wambaye (cyane umukara), kuba ushyushye, ndetse ngo
hari n’abantu bahumurira imibu.
Eng
RSS 
TANGA IGITECYEREZO