Real Madrid yafatiwe ibihano n'Impuzamashyirahamwe y'umupira w'amaguru ku mugabane w'Iburayi nyuma yuko abafana bayo bakoreye ivangura Pep Guardiola.
Abafana ba Real Madrid babikoze ubwo ikipe yabo yatsindaga Manchester City ibitego 3-1 mu mukino wo kwishyura wa kamarampaka wa 1/8 muri UEFA Champions League.
Aba bafana baririmbiye indirimbo Pep Guardiola zirimo ivangura none UEFA yaciye iyi kipe amande angana n'Amayero 30 ndetse hari n'igice cya Stade yayo, Santiago Bernabeu cyafunzwe igihe kingana n'imyaka ibiri.
Mu itangazo iyi mpuzamashyirahamwe yashyize hanze yagize iti: "Urwego rw'ubujurire rwa UEFA rwafashe icyemezo cyo guca amande Real Madrid Amapawundi 30.
Gutegeka gufunga igice cya stade ya Real Madrid (ni ukuvuga byibuze imyanya 500 yegeranye) guhera mu mukino utaha Real Madrid izakira kubera imyitwarire y'ivangura y'abafana".
Ibi bibaye nyuma y'uko UEFA iheruka no gufatira ibihano bimeze gutya ikipe ya Anderlecht yo mu Bubiligi na Lazio yo mu Bufaransa.
Abafana ba Real Madrid bakoreye ivangura Pep Guardiola
Eng
RSS 
TANGA IGITECYEREZO