M23 yashyizeho abayobozi b’Intara ya Kivu y’Epfo

Ni ibikubiye mu itangazo M23 yashyize hanze mu mugoroba wo kuri uyu wa Gatanu tariki ya 28 Gashyantare 2025.

AFC/M23 yavuze  ko yagize Birato Rwihimba Emmanuel Guverineri w’Intara ya Kivu y’Epfo,Dunua Masumbuko Bwenge agirwa Visi Guverineri ushinzwe Politiki, inzego z’ubuyobozi ,ubucamanza na Politiki naho Gishinge Gasinzira Juvénal agirwa Visi Guverineri ushinzwe ubukungu imari n’iterambere.

Ibi bibaye nyuma y'uko ku munsi w'ejo ku wa Kane aribwo hagabwe igitero ku baturage bari bitabiriye inama yateguwe n’ihuriro AFC/M23, bateraniye mu mbuga nini yo mu Mujyi wa Bukavu, izwi nka ‘Place de l’Indépendance’.

Kugeza kuri ubu abapfiriye muri iki gitero bamaze kuba 15 naho abakomeretse bakaba ari 70.

Ni nyuma y'uko kandi M23 imaze ibyumweru bibiri ifashe Umujyi wa Bukavu na Kamanyola byo mu Ntara ya Kivu y’Epfo.

Uyu mutwe umaze kwigarurira uduce dutandukanye tw’Intara ya Kivu ya Ruguru n’iy’Epfo mu Burasirazuba bwa Congo.

Birato Rwihimba Emmanuel  wagizwe  Guverinoma w'Intara ya Kivu y’Epfo