Platini yashimangiye ko Mbappé ari umusimbura mwiza wa Messi na Ronaldo mu mupira w'Isi

Umunyabigwi mu mupira w’amaguru ku isi, Michel Platini, yagaragaje ibitekerezo bye ku bakinnyi babiri bakomeye mu mateka ya ruhago, Lionel Messi na Cristiano Ronaldo. 

Platini wamenyekanye cyane mu ikipe y’igihugu y’ u Bufaransa ndetse no mu makipe arimo Juventus, yavuze ko abakinnyi nka Messi na Ronaldo bafashe icyemezo cyo gukomeza gukina igihe kirekire mu gihe abandi benshi bahagaritse gukina ku myaka 30 ku mpamvu nyinshi.

Platini watsindiye Ballon d'Or inshuro eshatu, yavuze ko abakinnyi nka Messi na Ronaldo bakomeje gukina mu myaka yabo ikuze, bakomeje gutanga ibihe byiza mu mupira w’amaguru. 

Gusa, avuga ko atumva impamvu abakinnyi nk’aba bakomeje kwitabwaho mu bihembo bikomeye nka Ballon d'Or, ariko agashimangira ko batigeze bakora ikintu kidasanzwe ugereranije n’abandi bakinnyi benshi. 

Yagaragaje ko hakenewe gufata umwanya wo kwita ku bakinnyi bafite impano zidakunze kugaragara, aho yagarutse ku mikino y’abakinnyi nka Manuel Neuer, Philipp Lahm, Bastian Schweinsteiger n’abandi bagize uruhare rukomeye mu makipe yabo ariko batabonye ibihembo nk'ibi.

Platini aganira na Gazzetta dello Sport yanatangaje ko abakinnyi nka Messi na Ronaldo bagize amahitamo akomeye mu gihe cy’amateka yabo mu makipe yabo, aho Messi yagaragaje ubuhanga muri Barcelona, na Ronaldo agira uruhare rukomeye mu ikipe ya Real Madrid. 

Gusa, Platini avuga ko abakinnyi nka Messi na Ronaldo badakwiye gukomeza kuba abakinnyi ba mbere bagaragaza impano mu mikino y’amakipe bakomeje gukina igihe kirekire.

Nyamara, Platini yashimye cyane Kylian Mbappé, umusore ufite impano idasanzwe, aho yemeza ko ari umukinnyi ukwiye gukurikira Messi na Ronaldo mu mateka y’umupira w’amaguru. Yavuze ko Mbappé afite imbaraga zo guhiga abandi bakinnyi bose ku isi kubera ubuhanga bwe n'umuvuduko afite mu kibuga.

Mbappe akomeje kwitwara neza muri iyi minsi 

Umwanditsi: Kubwayo Jean de la Croix