Cassa Mbungo Andre yagizwe umutoza wagateganyo w'ikipe y'igihugu y'u Rwanda, Amavubi y'Abagore yitegura umukino wo gushaka itike y'igikombe cy'Afurika cya 2026.
Ishyirahamwe ry'umupira w'amaguru mu Rwanda, FERWAFA ryatangaje ko uyu mutoza yahawe izi nshingano mu mugoroba wo kuri uyu wa Mbere tariki ya 10 Mutarama 2025,ribinyujije ku mbuga nkoranyambaga zaryo
Cassa Mbungo Andre azungirizwa na Mukamusonera Theogene na Munyana Seraphine mu gihe Safari Mustapha Jean Marie ari uw'abanyezamu naho uwongerera imbaraga abakinnyi akaba ari Yadufashije Jeannine.
Amavubi y'Abagore yatangiye umwiherero kuri uyu wa Mbere yitegura umukino ifitanye na Misiri mu gushaka itike y'igikombe cy'Afurika cya 2026 gusa ntabwo yari afite abatoza.
Cassa Mbungo Andre ahawe inshingano zo kuzatoza iyi mikino nyuma y'uko yaherukaga gutandukana na Jamus SC yo mu Cyiciro cya Mbere muri Sudani y’Epfo.
Uyu mutoza asanzwe afite ubunararibonye mu gutoza dore ko yatoje andi makipe arimo AFC Leopards na Bandari zo muri Kenya, anatoza Rayon Sports FC, Kiyovu Sports, Gasogi United na AS Kigali zo mu Rwanda.
Amavubi y'Abagore azakina na Misiri tariki ya 21 z'uku kwezi i Kigali mu mukino ubanza naho uwo kwishyura ukinwe tariki ya 25 z'uku kwezi.
Eng
RSS 
TANGA IGITECYEREZO