U Rwanda ku isonga! Ibihugu 10 by’Afurika bifite ijanisha rinini ry’abafata imiti igabanya ubukana bwa Virusi itera SIDA

Byumwihariko, Afurika y'Epfo, ni cyo gihugu gifite umubare munini w'abantu banduye Virusi itera SIDA muri Afurika. Mu 2023, miliyoni 7.7 z'Abanyafurika-y'Epfo babanaga na Virusi itera SIDA.

Kugeza ubu SIDA  iza ku mwanya wa Kane mu guhitana abantu benshi muri Afurika, abagera kuri 5,6% by'abapfa, bahitanwa na  SIDA. Mu 2023, Afurika y'Epfo na Nigeria byagize umubare munini w'impfu ziterwa na SIDA ku isi, hapfa abantu 50,000 na 45,000.

Imiti igabanya ubukana bwa Virusi itera SIDA (ART) yabaye nk’urufatiro mu kurwanya  iki cyorezo muri Afurika, mu gutabara ubuzima bw'abantu babarirwa muri za miliyoni babana n’ubwandu.

Kuva iyi gahunda yatangizwa, ART yahinduye cyane byinshi, aho impfu zaterwaga na SIDA zagabanutse ku kigero cyo hejuru.

Gukoresha imiti igabanya ubukana bwa Virusi itera SIDA, byateye imbere cyane muri Afurika mu myaka yashize. Urugero, mu Rwanda, 96 % by'abantu banduye bahabwa imiti igabanya ubukana bwa Virusi itera SIDA (ART).

Ibi ni intambwe ikomeye ku Rwanda, aho umubare w’impfu ziterwa na Virusi itera SIDA wagabanyutse ndetse icyizere cy’ubuzima cyarazamutse cyane.

Leta yashyize imbaraga mu korohereza abanduye SIDA, mu kubona imiti ku buntu, ndetse inashyira imbaraga mu guhashya iyi ndwara kubera ubukana bwayo.

 Dore ibihugu 10 by’Afrika biza ku isonga mu kugira umubare munini w'abantu bafata imiti igabanya ubukana bwa Virusi itera SIDA (ART), nk’uko urutonde rwa Business Inside Africa rubigaragaza:

Icyakora, urugendo rwo kuzamura umubare w’abakoresha ART muri Afurika rwuzuyemo ingorane, zirimo ipfobya, ubushobozi buke, ndetse n’ibura ry’ibikorwa remezo bitandukanye by’ubuvuzi. Ariko ibihugu bya Afurika byahagurukiye kurwanya impfu za SIDA byitabira gahunda yo gutanga imiti igabanya ubukanya ku banduye.