Umwarimu w’imyaka 27, Jorja Watt, yapfuye nyuma yo kugira ihungabana rikomeye ubwo yari amaze gukurwamo imyenda yose agasigara yambaye ubusa muri kasho ya polisi, nk'uko byagaragajwe mu rukiko nyuma y'iperereza.
Ibi byabaye hashize amezi make afunzwe akekwaho gukubita umukozi w'ubutabazi mu ijoro rimwe. Yari arwaye uburwayi bwa "Emotionally Unstable Personality Disorder" kandi yari amaze imyaka itandatu yiga kugira ngo agere ku nzozi ze zo kuba umwarimu nk'uko tubikesha Daily Mail.
Jorja yari yiteguye gutangira akazi k'inzozi ze muri Costa Rica mbere y'uko asangwa yapfuye mu rugo rw'inshuti ye.
Nyina, Marie, yabwiye urukiko ko umukobwa we yahungabanye cyane kubera icyo gikorwa kandi yatinye ko byakwangiza umwuga we w'uburezi. Nyuma y'icyo gikorwa, ubuzima bwe bwo mu mutwe bwarushijeho kuzamba, atangira kwivura akoresheje imiti yandikirwaga n'abaganga.
Ku ya 1 Nzeri 2024, Jorja yasanzwe atabasha kwitaba mu rugo rw'inshuti ye Charlie. Isuzuma ry'ibanze ryagaragaje ko yari afite imiti myinshi mu mubiri we, harimo na metadone, isimbura heroin, iki kikaba gikora nk'ikiyobyabwenge.
Urukiko rwanzuye ko urupfu rwe rwatewe n'ikoreshwa ry'imiti myinshi. Polisi ya Lancashire yatangaje ko yakiriye ikirego muri Werurwe 2024 kijyanye n'iki kibazo kandi ko kiri gukorwaho iperereza n'ishami ryayo rishinzwe imyitwarire.
Eng
RSS 
TANGA IGITECYEREZO