Impunzi zari zicumbikiwe mu nkambi y'agateganyo ya Rugerero iri mu nkengero z'umujyi wa Rubavu mu Rwanda, zatangiye gusubira i Goma muri Repubulika Iharanira Demokarasi ya Congo.
Inzego zubuyobozi za tangaje ko abarenga 600 batashye ku wa Gatatu, tariki ya 29 Mutarama 2025. Mu gitondo cyo kuri uyu wa Kane, abandi bagera kuri 200 bari bamaze kwiyandikisha kugira ngo basubire iwabo.
Nzabayo Musagara, umwe mu basubiye i Goma, yagize ati: "Nahisemo kugenda kuko numvise ko amahoro yatangiye kugaruka... nta bwoba mfite bwo gutaha, nta kibazo." Ku rundi ruhande, Beata Nikuze yahisemo kuguma mu Rwanda kubera ko inzu ye muri Congo yatwitswe. Yagize ati: "Igitumye ntasubirayo ni icyo kibazo cy'inzu gusa. Iyo kitaba icyo nari gusubirayo kuva amahoro yabonetse" nk'uko tubikesha BBC.
Mu gihe mu mujyi wa Goma hari ituze muri rusange, hari amakuru avuga ko abarwanyi ba M23 bakomeje kwerekeza mu bice bya Kivu y'Epfo, bigarurira ibindi nice bitandukanye mu nzira yerekeza i Bukavu. Perezida Felix Tshisekedi wa Congo yatangaje ko yiteguye "kwivuna gukomeye kandi guteguye" ku bo yise "abaterabwoba n'ababafasha".
Ishami rya ONU ryita ku mpunzi rivuga ko abantu barenga 500,000 bavuye mu byabo muri uku kwezi kwa Mutarama 2025 kubera imirwano iri mu burasirazuba bwa Congo.
Umuryango Save The Children uvuga ko muri bo harimo abana barenga 50,000.
Iyi nkambi ya Rugerero ishobora gufungwa mu minsi ya vuba niba igikorwa cyo gusubiza impunzi iwabo gikomeje gutya, kuko hasigaye impunzi zitari hejuru ya 300.
Eng
RSS 
TANGA IGITECYEREZO