Umwana umwe muri 12 ahura n'ihohoterwa rishingiye ku gitsina rikorewe kuri murandasi

Ubushakashatsi bushya bwagaragaje ko umwana umwe muri 12 ku isi yose aba yarahuye n’ihohoterwa rishingiye ku mibonano mpuzabitsina hakoreshejwe ikoranabuhanga. 

Ibi bihangayikishije cyane abarwanya ihohoterwa rishingiye k ugitsina, abashakashatsi bakaba basaba ko hafatwa ingamba zihutirwa ku rwego rw’isi yose.

Ubushakashatsi bwakorewe ku bantu Miliyoni 2.2 mu myaka 13 ishize (2010-2023), bwerekanye ko ubwoko butandukanye bw’ihohoterwa bukorerwa abana bari munsi y’imyaka 18.

Harimo nk'ibiganiro by’urukozasoni ku mbuga nkoranyambaga, aho 25% by’abana babajijwe byagaragaye ko baba barahuye naryo. Gukoresha amashusho cyangwa amafoto y’urukozasoni, byagaragaye kuri 15% by’abana babajijwe. 

Iterabwoba (Sexual extortion) rigaragara kubana bana bangana na 12%. Amafoto cyangwa amashusho atemewe (deepfakes), bikunze kugaragara ku bana bangana na 8%.

Mu mwaka wa 2024 gusa, imiryango nka NCMEC na DHS yakiriye raporo zisaga miliyoni 36 z’ihohoterwa rishingiye ku mibonano mpuzabitsina. Gusa, benshi ntibagaragaza ihohoterwa bahura naryo, bikaba byongera uburemere bw’iki kibazo nk'uko tubikesha CNN.

Guhugura abana n’ababyeyi, kugenzura ikoreshwa ry’imbuga nkoranyambaga, kugabanya igihe abana bamara kuri murandasi. Kurwanya iki kibazo bisaba ubufatanye bw’imiryango, Leta n’abafatanyabikorwa mpuzamahanga.