Kuri uyu wa Gatandatu, tariki ya 18 Mutarama 2025, imodoka itwara lisansi yaguye hafi y'isoko riri ku muhanda wa Dikko-Maje muri leta iri hagati ya Nigeria na Niger, ihitana abantu barenga 70.
Nk'uko NST Online ibitangaza ivuga ko abantu barenga 70 bahise bitaba Imana nyuma y'iturika ryabaye ubwo bagerageza gukusanya lisansi yari isandaye.
Umuyobozi wa Komisiyo ishinzwe umutekano wo mu muhanda muri Leta ya Niger, Kumar Tsukwam, yemereye AFP ko abantu barenga 70 bapfuye muri iyo mpanuka.
Yavuze ko imodoka yari ipakiye lisansi ingana na Litiro ibihumbi 60 yakoze impanuka kuri uyu wa Gatandatu saa yine za mu gitondo. Abantu batangiye gukusanya lisansi isandaye batitaye ku kaga kari kabategereje. Abagerageje gutabara nabo bagizweho ingaruka n'icyo giturika.
Ibi byago byabaye nyuma y'andi makuba yabaye muri Leta ya Niger mu kwezi kwa Nzeri 2024, aho abantu bagera kuri 50 bapfuye nyuma y'iturika ry'imodoka itwara lisansi.
Impamvu z'izi mpanuka zikomeje kwiyongera zishobora kuba zifitanye isano n'ubukene bukabije, butuma abaturage bifatira lisansi iva mu modoka zagize impanuka, ndetse no kudakurikiza amategeko y'umuhanda. Abaturage barasaba ko hashyirwaho ingamba zikomeye zo gukumira impanuka nk'izi mu gihe kizaza.
Iyi mpanuka yahitanye ubuzima bw'abantu benshi
Umwanditsi: Kubwayo Jean de la Croix
Eng
RSS 
TANGA IGITECYEREZO