TikTok yamaze gukurwa kuri porogaramu ya Google App Store yo muri Amerika, ndetse na TikTok.com ntigaragaza amashusho.
Mu masaha make mbere y'uko itegeko ryo guhagarika TikTok ritangira kubahirizwa muri Leta Zunze Ubumwe za Amerika, uru rubuga rw’imbuga nkoranyambaga rwarahagaritswe.
Abakoresha TikTok muri Amerika basanze ubutumwa kuri iyi porogaramu buvuga ko itegeko ryo kuyihagarika ryamaze gushyirwa mu bikorwa, bivuze ko "ubu mudashobora gukoresha TikTok."
TikTok yatangaje ko ifite icyizere ko Perezida Donald Trump azakorana na yo mu gushaka igisubizo cyo kongera kuyisubiza ku murongo, igihe azaba yongeye gufata kubutegetsi nkuko tubikesha BBC.
Perezida Trump watowe yatangaje ko azarebera niba ahabwa igihe cy'iminsi 90 ngo TikTok ikomeze gukora, igihe azaba atangiye inshingano ze kuri uyu wa Mbere.
Urukiko rw’Ikirenga kumunsi wo ku wa Gatanu rwemeje itegeko risaba ByteDance, sosiyete ishinzwe TikTok ikorera mu Bushinwa, kugurisha TikTok y’Abanyamerika bitarenze tariki ya 19 Mutarama.
TikTok yavuze ko iri tegeko ryica uburenganzira bwo gutanga ibitekerezo ku bakoresha bayo bagera kuri miliyoni 170.
Eng
RSS 
TANGA IGITECYEREZO