Los Angeles: Abaturage barenga 30,000 bavuye mu ngo zabo kubera inkongi y’umuriro - AMAFOTO

Abaturage barenga 30,000 bavuye mu ngo zabo muri Los Angeles kubera inkongi y’umuriro ikaze yiswe Palisades yatangiye ku wa Kabiri. Uyu muriro umaze gutwika  hegitari zirenga 3,000 nubwo zishobora gukomeza kwiyongera, wageze mu duce duturanye twa Malibu na Santa Monica, ahatuye ibyamamare nka Ben Affleck na Tom Hanks. 

Abashinzwe kuzimya inkongi barimo kurwana no guhagarika iyo ngongi irimo gukwirakwizwa  n’umuyaga ukaze wa “Santa Ana”, ukomeje kongera ubukana bw’umuriro. Indege kabuhariwe zifashishwa mukuzimya  birimo kugorana gukoreshwa kubera ingufu z’umuyaga, bikaba byatumye bakoresha imodoka n’imashini nini aho imodoka mumihanda yaho zahagaritswe murwego rwo kutabangamira ubutabazi. 

Ibiti n’ibihuru byamaze kwaka ku buryo umuriro wageze no ku nyubako z'abaturage n’inzu ndangamurage ya Getty Villa, nubwo ibikoresho byayo n'abahakorera bakomeje kwitabwaho ndetse hanakomeje kurindwa. Amasomo yarahagaritswe mu gihe abaturage bakomeje guhunga, abandi barasaba ubufasha bwo gusubira mu ngo zabo gutabara ababo n’amatungo. 

Meya wa Los Angeles, Karen Bass, yashyizeho itangazo ryihutirwa, naho Guverineri Gavin Newsom yasuye uduce twibasiwe n’inkongi   abantu bari mu bice bya  Pacific Palisades  basabwe guhunga mu rwego rwo gufasha abarimo gukora ubutabazi nk'uko tubicyesha The Sun. 

Inkongi zikomeye zagaragaye no mu bindi bice bya Los Angeles, birimo Altadena, Pasadena, na Sylmar. Inzego zishinzwe iperereza ziracyasuzuma icyateye inkongi ya Palisades, bikekwa ko yaba yarakomotse ku mashyamba yumye bitewe n'ubushyuhe bw’umuyaga uva mu nyanja byahura n’ibyatsi biba byarumye bigateza inkongi hakanakekwa n’ibikoresho bikwirakwiza umuriro  bishobora kuba byarashwanyutse. 

Benshi bakutse imitima kubeera inkongi y'umuriro yibasiye Los Angele

Umwanditsi: TUYIHIMITIMA Irene