APR FC yemeje ko yasinyishije abakinnyi babiri bashya bo muri Uganda-AMAFOTO

Iyi kipe yabitangaje ibinyujije ku mbugankoranyambaga zayo aho yabahaye n'ikazem

Hakim Kiwanuka wamaze gusinyira APR FC afite imyaka 24 aho yavutse tariki ya 11 z'ukwezi kwa 9 muri 2000 mukinnyi w’inyaka 24 . 

Ayisinyiye avuye muri Villa Sports Club y'iwabo muri Uganda ndetse aho yanayifashije kwegukana igikombe cya Shampiyona giheruka. Muri uyu mwaka w'imikino yari amaze kuyikinira imikino 15 muri shampiyona no muri CAF Confederation Cup akaba yari amaze gutsindamo ibitego 5 ndetse akaba ayaranatanze imipira 4 yabivuyemo.

Mbere yuko ajya muri Villa Sports Club yakinaga mu ikipe ya Proline FC aho yayivuyemo amaze kuyikinira imikino 20 akaba yaratsinzemo ibitego 3 ndetse akaba yaranatanze imipira 4 yabivuyemo.

Hakim Kiwanika kandi aheruka gutsindira Uganda igitego rukumbi cyabonetse mu mukino wa nyuma w’ijonjora rya CHAN 2024 wabereye muri Nakivubo Stadium.

APR FC kandi yasinyishije rutahizamu w'ikipe y'igihugu ya Uganda ,Denis Omedi akaba umwe mu bakinnyi 10 batsinze ibitego byiza ku Isi byatoranyijwemo icyegukanye igihembo.

Uyu rutahizamu aturutse mu ikipe ya Kitara FC nayo muri Uganda aho mu mwaka ushize w'imikino yari yarayitsindiye ibitego 14 muri Shampiyona. 

Aheruka gutsindira ikipe y'igihugu ya Uganda ibitego mu mukino wayihuje na Afurika y’epfo ndetse n’uwo yakinnye na Sudan y’epfo.

Igitego yatsinze KCCA muri Shampiyona ya Uganda, muri Kanama 2024, cyari mu bitego 11 byiza byatoranyijwemo icyahize ibindi mu bihembo bya ‘FIFA Puskás Awards’, gihigikwa n’icya Alejandro Garnacho wa Manchester United.

Muri ibi bihembo, igitego cye cyabaye icya gatatu n’amanota 16 mu gihe mu bihembo by’umwaka bya CAF, cyabaye icya gatandatu.

Hakim Kiwanuka yasinyiye  APR FC

Brig Gen Deo Rusanganwa(chairman wa APR FC) ari kumwe na Denis Omedi

Hakim Kiwanuka ni umukinnyi wa APR FC 

Denis Omedi ni umukinnyi wa APR FC