Abakunzi ba Meghan Markle bakomeje kuvuga ku ikosa riri muri videwo ye yashyizwe kuri Instagram ku munsi wa mbere w’umwaka mushya wa 2025.
Rachel Meghan Markle ni umunyamerikakazi usanzwe ari umukinnyi wa filime, umwanditsi, n'umugore wa Prince Harry, umwana w'Umwami wa Charles III mu Bwongereza. Yavutse ku itariki ya 4 Kanama 1981 i Los Angeles muri Leta Zunze Ubumwe za Amerika.
Mu mashusho yagaragajwe kuri konti ye nshya ya @meghan ifite abamukurikira basaga 787,000, Meghan yagaragaye yiruka ku mucanga w’inyanja, yambaye imyenda y’umweru yose. Yahise apfukama yandika umwaka wa 2025 mu mucanga, mu buryo bwiza cyane.
Ariko abafana bataripfana babonye inyandiko ya 2025 yari yamaze kwandikwa ahandi hamwe n’ibirenge byinshi, bigaragaza ko hashobora kuba habayeho gufata amashusho inshuro nyinshi mbere y’uko abona icyiza.
Umwe ku rubuga rwa X (rwahoze ari Twitter) yagize ati: "Mbega ukuntu yashatse gufata ifoto nziza! Byafashe inshuro zingahe?" Undi yongeyeho ati: "Natekerezaga ko Merghan ahorana ubwitonzi mu byo akora."
Amakuru avuga ko videwo yafashwe na Harry, umugabo we w’imyaka 40, ku mucanga hafi y’urugo rwabo i Montecito muri California. Amashusho yashyizwe kuri Instagram saa 8:00 mu gitondo.
Konti nshya ya Meghan, yemejwe n’akamenyetso ka “Blue tick,” ngo yaba izatuma yinjiza agera kuri 800,000 by'amayero ku butumwa bumwe, nk’uko abahanga mu mbuga nkoranyambaga babitangaza.
Meghan yibasiwe cyane ku mbuga nkoranyambaga
Umwanditsi:TUYIHIMITIMA Irene
Eng
RSS 
TANGA IGITECYEREZO