Hagaragajwe imodoka zishobora gutakaza agaciro vuba

Imodoka zishobora gutakaza agaciro vuba kurusha izindi zaragaragajwe, harimo n’imwe ikunzwe cyane n’imiryango. Nk'uko imibare yagaragajwe na WhatCar?, izi modoka zose ziri munsi y’amafaranga y’u Rwanda Miliyoni 60,000,000 (ni ukuvuga £50,000) zigira igihombo gikomeye ku gaciro kazo mu myaka itatu gusa.

Nissan Leaf

Iyi modoka y’amashanyarazi itangirira ku mafaranga y'u Rwanda miliyoni 37,000,000 ariko nyuma y’imyaka itatu, agaciro kayo kagabanuka kakagera kuri miliyoni 7,800,000 gusa. Ibi bituma igumana gusa 20% by’agaciro kayo k’itangiriro nk'uko bitangazwa na The Sun 

2.Vauxhall Corsa Electric

Iyi modoka igura miliyoni 34,8000,000 z'amafaranga y'u Rwanda ariko nyuma y’imyaka itatu, agaciro kayo kagabanyuka kugera kuri miliyoni 8,700,000 gusa. Nubwo ihendutse, irushwa umuvuduko, umutekano n’uburyo bwo gukora

3.Mazda MX-30

Iyi modoka yo itakaza agaciro kangana na Miliyoni 28,000,000 z'amafaranga y'u Rwanda  nyuma y’imyaka itatu.

4.Citroën e-C4

Citroën e-C4 ni imodoka ifite batiri ya 50kWh, igurwa ku giciro cya 47,940,000 Frw. Nyuma y’imyaka itatu, agaciro kayo kagabanuka kagera kuri 13,912,500 , bigatuma itakaza miliyoni 34,027,500 . Ibi bivuze ko iyi modoka igumana 29% by’agaciro kayo ka mbere

5.Vauxhall Mokka Electric

Vauxhall Mokka Electric igurwa ku giciro cya 55,965,000 RWF (hafi miliyoni 56 RWF). Nyuma y’imyaka itatu, agaciro kayo kagabanuka kagera kuri 17,100,000 RWF, bigatuma itakaza miliyoni 38,865,000 RWF. Iyi modoka yo igumana 30.6% by’agaciro kayo ka mbere.

Umwanditsi:TUYIHIMITIMA Irene