Rutahizamu wa Manchester United yatandukanye n’umukunzi we nyuma y’imyaka irindwi bari bamaranye

Zirkzee na Selina batangiye gukundana afite imyaka 16, kandi uyu mukobwa yamubereye inkoramutima mu rugendo rwe rwo kuba umukinnyi wa ruhago ukomeye. Gusa, nyuma yo kwerekeza muri Manchester United, byagaragaye ko Selina atakigaragara hafi y’uyu mukinnyi.

Abantu benshi bemeje ko aba bombi batandukanye nyuma yo kubona ko bahagaritse gukurikiranana kuri Instagram. Selina yanakuyeho amafoto yose bari bafitanye ku rukuta rwe rwa Instagram, bikomeza gutuma abantu bemeza ko batandukanye burundu.

Ku rundi ruhande Zirkzee ntiyorohewe. Muri uyu mwaka w’imikino, amaze gukina imikino 25 mu marushanwa atandukanye ariko yatsinzemo ibitego bine gusa anatanga imipira ibiri yavuyemo ibitego. Imibare itari myiza ku mukinnyi w’ikipe nk’iyi.

Ikipe ya Manchester United nayo iri mu bihe bitoroshye. Nubwo yaherutse guhindura umutoza bakazana Ruben Amorim, iyi kipe ikomeje kuba ku mwanya wa 13 muri shampiyona y’u Bwongereza. Ibyo bikomeje kuba ikibazo gikomeye kuri iyi kipe ifite amateka akomeye.

Manchester United iherutse gutsindwa na Bournemouth ibitego 3-0 ku kibuga cyayo muri shampiyona, umukino wa 17, bigaragariza abafana bayo ko hakiri urugendo rurerure rwo kugaruka ku rwego rwo guhatanira ibikombe.

Jossua Zrikzee yatandukanye n'umukunzi we bari bamaranye imyaka irindwi mu rukundo