Ibyo wamenya kuri Jon Brower Minnoch waciye agahigo ku Isi ko kugira ibiro byinshi

Jon Brower Minnoch, wavukiye muri Leta ya Washington, yabaye umuntu ufite ibiro byinshi kurusha abandi mu mwaka wa 1970. Yavutse mu 1941, ariko ibiro bye byatangiye kuzamuka cyane bitewe n’imiterere y’umubiri we, hamwe n'indwara yo kugira amazi memshi mu mubiri (edema).

Ku rwego rwe rwo hejuru, Minnoch ntiyari ashoboye kugenda, kandi yashoboraga gusa kubaho ashyigikiwe n’abaganga.

Ibiro bye byatangiye kumuteza ibibazo bikomeye by’ubuzima. Abaganga bagize ibibazo byinshi mu kumuvura kubera ibyo bibazo. Mu 1978, Minnoch yashyizwe mu bitaro kubera ibibazo by’umutima n’ubuhumekero, aho ibiro bye byari byemejwe ko ari 1,400. Nubwo yari mu bihe bikomeye, Minnoch yagiye akomeza kwita ku byerekeye ubuzima bwe.

 Ibiro byinshi bya Jon Brower Minnoch byamugize umuntu udafite ubuzima busanzwe. Ntiyashoboraga kuva mu rugo atari kumwe n’abandi bantu, kandi umuryango we wahangayikishijwe cyane n’ibibazo by’ubuzima bwe.

Inkuru ye itanga isomo rikomeye ku ngaruka z'umubyibuho ukabije (obesity) ndetse no ku bibazo by’ubuzima biterwa n’ibiro byinshi cyane. Nyuma yo gukurikiranwa n'abaganga igihe kirekire, byatangiye kumufasha kugabanya ibiro, Jon Brower Minnoch yitabye Imana mu 1983 afite imyaka 41.

Uyu munsi, inkuru ye ikomeza kuba isomo mu bushakashatsi ku bijyanye n’umubyibuho ukabije ndetse ikaba yarateye abantu gukanguka bakita ku bibazo by’ubuzima biterwa n'ibiro byinshi nk'uko bitangazwa na health.com.

 Umwanditsi: KUBWIMANA Solange