Icyumweru cyo gusabira ubumwe bw'abemera Kristo cyitezweho gushyigikira amahoro n'ubwumvikane

Ibi byatangajwe nyuma y'inama y'umunsi umwe, aho abantu batandukanye bagaragaje aho imyiteguro igeze kuri uyu mushinga. Icyumweru cyo gusabira ubumwe bw'abemera Kristo, kizaba kuva tariki ya 18-25 Mutarama 2025, cyitezweho kugira uruhare rukomeye mu kubaka ubumwe hagati y'abemera Kristo mu Rwanda no gushyigikira amahoro n'ubwumvikane.

Abahagarariye amadini atandukanye n'amatorero bemeje ko bagiye gukomeza umutekano w'iki cyumweru, aho bazakora ibikorwa byo gusenga, kuganira no gufashanya mu rugamba rwo kubaka umuryango wunze ubumwe.

Mu nama y’umunsi umwe, abayobozi b’amadini, abashumba b’amatorero, ndetse n’abahagarariye Umuryango wa Bibiliya mu Rwanda batanze ibitekerezo banaganira ku mikorere y’ibikorwa bizakorwa muri Unity Week 2025, hagamijwe ko icyumweru kizaba ikiraro gikomeye mu guhuza imitima no kuzahura ubumwe hagati y’abemera Kristo mu gihugu.

Uyu mushinga, ufite intego yo gushyigikira ubumwe no kubaka amahoro, ufitanye isano n’imyemerere y’uko Imana ishaka ko abantu bose babana mu bwumvikane n’urukundo, bigatuma basengera hamwe mu ntego yo kubaka igihugu kirangwa n'ubumwe n’amahoro.

Abahagarariye amadini n’amatorero basabye abanyarwanda gukomeza gushyigikira Unity Week 2025, kugira ngo umuryango w’abemera Kristo wungurane ibitekerezo, ugaragaze ubumwe bwabo, ndetse no gushimangira amahoro mu gihugu cyose.

Biyemeje gukomeza gufatanya n'abahagarariye amadini n'amatorero mu gihugu kugira ngo Unity Week 2025 izagende neza kandi igire ingaruka nziza ku gihugu

Umwanditsi: KUBWIMANA Solange