Icyoba ni cyose ku bayobozi batoranyijwe na Donald Trump

Ibiro bishinzwe iperereza (FBI) byavuze ko byakiriye "raporo nyinshi z’iterabwoba ry’ibisasu" na "bombe", aho bakibinona bahise bashyiraho abapolisi bashinzwe kubarinda.

Iterabwoba ryibasiye bantu icyenda (9) bashyizweho na Trump kuyobora ishami ry’ingabo, imiturire, ubuhinzi n’umurimo ndetse na Ambasaderi wa Amerika muri UN n’abandi.Polisi iri gukora iperereza ku byabaye, ku wa Kkabiri n'ijoro ryo ku wa Gatatu.

Caroline Leavitt, umuvugizi w’itsinda ritegura kurahira kwa Trump, yavuze ko abashyizweho na Trump "bahuye n’iterabwoba rikomeye kandi rirwanya Amerika ku buzima bwabo ndetse n’ubuzima bw’abo babana".

Avuga ko "abashinzwe umutekano bahise bahaguruka kugira ngo barinde" umutekano w'abashyizweho. Ati: "Nk'uko Perezida Trump yatubereye urugero, ibikorwa by'iterabwoba n'ubugizi bwa nabi ntibizadutera ubwoba".

Umudepite wo muri ya New York, Elise Stefanik, washyizweho na Trump kugira ngo ahagararire Amerika muri UN, ni we wa mbere wavuze ko umuryango we wahohotewe n’iterabwoba.

Ibiro bye byavuze ko yabwiwe ibyerekeye iterabwoba igihe yari mu modoka ari kumwe n’umugabo we n’umuhungu wabo w’imyaka itatu ubwo bavaga i Washington DC berekeza i New York.

 Minisitiri w’Ingabo, Pete Hegseth, nawe washyizweho na Trump yemeje ko yatewe ubwoba.

Kuri X, avuga ko umupolisi yageze iwe mu gitondo cyo kuri uyu wa Gatatu, mu gihe abana be barindwi bari mu nzu baryamye, maze amubwira ko bakiriye "amakuru yizewe y’igitero cya bombe".

Nk’uko ibitangazamakuru bibitangaza kuva baterwa ubwoba bahise bashyirwa mu barinndwa  n'inzego z'umutekano.