Liverpool ifitanye urubanza na Real Madrid! Imikino ya UEFA Champions League yagarutse

Iyi mikino iratangira gukinwa kuri uyu wa Kabiri tariki ya 26  ku bibuga bitandukanye kuzageza ku munsi w'ejo ku wa Gatatu tariki ya 27 Ugushingo 2024.

Kuri uyu wa Kabiri Saa Moya n'iminota 45 ikipe ya Slovan Bratislava yo muri Slovakia iraba yakiriye AC Milan yo mu Butaliyani kuri Tehelné Pole naho Sparta Prague yo muri Czech Republic yakire Atletico Madrid yo muri Espagne kuri epet ARENA.

Saa Yine z'ijoro ikipe ya FC Barcelona yo muri Espagne iraba yakiriye Brest yo mu Bufaransa kuri Estadi Olímpic Lluís Companys,Bayern Leverkusen yo mu Budage ibe yakiriye RB Salzburg yo muri Australia nayo muri iki gihugu kuri BayArena naho FC Bayern yakiriye Paris Saint-Germain yo mu Bufaransa kuri Allianz Arena.

Kuri izi Saha kandi ikipe ya Inter Milan yo mu Butaliyani iraba yakiriye RB Leipzig yo mu Budage kuri Giussepe Meazza, Manchester City yakiriye Feyenoord yo mu Buholandi kuri Etihad Stadium, Sporting CP yo muri Portugal ibe yakiriye Arsenal kuri Estádio José Alvalade naho Young Boys yo mu Busuwisi ibe yakiriye Atalanta yo mu Butaliyani kuri Wankdorf Stadium.

Ku munsi w'ejo kuwa Gatatu Saa Moya n'iminota 45 ikipe ya FK Crevena Zvezda yo muri Serbia izaba yakiriye VFB Stuttgart yo mu Budage kuri Red Star Stadium mu gihe Sturm Graz yo muri Australia izaba yakiriye Girona yo muri Espagne kuri 28 Black Arena.

Saa Yine z'ijoro ikipe ya AS Monaco yo mu Bufaransa izaba yakiriye Benfica yo muri Portugal kuri Stade Louis II,Aston Villa yo mu Bwongereza yakire Juventus yo mu Butaliyani kuri Villa Park, Bologna yo mu Butaliyani izaba yakiriye Lille yo mu Bufaransa kuri Renato Dall'Ara naho Celtic yo muri Scotland izabe yakiriye Club Brugge yo mu Bubiligi kuri Celtic Park.

Ni mu gihe kandi ikipe ya Dinamo Zagreb yo muri Croatia izaba yakiriye Borussia Dortmund yo mu Budage kuri Stadion Maksimir,PSV Eindhoven yo mu Buholandi yakire Shakhtar Donetsk yo muri Ukraine kuri Philips Stadion.

Undi mukino uzaba kuri uyu munsi  ni uwo  Liverpool yo mu Bwongereza izaba yakiriye Real Madrid yo muri Espagne kuri Anfield Stadium.Uyu niwo mukino uruta indi yose kuri uyu munsi wa Gatanu dore ko aya makipe yombi ajya anahurira ku mikino wa nyuma nk'uko byagenze mu 2021 ndetse no mu 2018.

Kugeza ubu kuri uyu munsi ikipe iyoboye ni Liverpool n'amanota 12 aho ikurikirwa na Sporting CP na AS Monaco zifite amanota 10.

Liverpool izacakirana na Real Madrid ku munsi w'ejo