Ibiro bya Minisitiri w'Intebe byatangaje ko Jean Bosco Ntibitura yagizwe Guverineri w'Intara y'Iburengerazuba, akaba ari inshingano yahawe na Perezida Kagame.
Ni itangazo ryagiye hanze ku mugoroba w'uyu wa Gatandatu tariki 23 Ugushyingo 2024. Jean Bosco Ntibitura wagizwe Guverineri w'Intara y'Iburengerazuba, yasimbuye Dushimimana Lambert wayoboraga iyi Ntara kuva mu kwez kwa Nzeri mu 2023.
Muri Kamena 2023 ni bwo Jean Bosco Ntibitura yagizwe Umuyobozi Mukuru ushinzwe Umutekano w'Imbere mu Gihugu mu Rwego rw'Igihugu rw'Umutekano n'Iperereza (NISS), aho yari asimbuye Gasana Alfred wagizwe Minisitiri w’Umutekano mu 2021.
Mbere yo kujya muri NISS, Ntibitura Jean Bosco yari akuriye ibijyanye n'ishyirwa mu bikorwa rya gahunda muri Minisiteri y'Umutekano.
Kuri ubu yamaze guhabwa inshingano nshya n'Umukuru w'Igihugu Nyakubahwa Paul Kagame, akaba yagizwe Guverineri w'Intara y'Iburengerazuba igizwe n'Uturere 7 ari two: Karongi, Nyamasheke, Rusizi, Rubavu, Ngororero, Nyabihu na Rutsiro.
Intara y'Iburengerazuba yabonye Umuyobozi Mushya, Jean Bosco Ntibitura
Itangazo ryaturutse mu Biro bya Minisitiri w'Intebe kuri uyu wa Gatandatu
Eng
RSS 
TANGA IGITECYEREZO