Kapiteni w'ikipe y'igihugu ya Argentine, Lionel Messi, agiye gutozwa na Javier Mascherano bakinanye imyaka 8 mu ikipe ye ya Inter Miami yo muri Leta Zunze Ubumwe za Amerika.
Mu ntangiriro z'iki Cyumweru ni bwo Tata Martino yatangaje ko asezeye ku mirimo yo gutoza Inter Miami nyuma y'uko iyi kipe isezerewe mu ijonjora ry'ibanze ry'imikino' ya 'playoffs'.
Uyu mutoza w'imyaka 61 wafashije iyi kipe gusoreza 'Major League Soccer' ku mwanya mwiza mu mateka yayo yavuze ko yafashe uyu mwanzuro kubera impamvu ze bwite.
Kuri ubu ikipe ya Inter Miami yamaze kubona umutoza mushya nk'uko byatangajwe n'umunyamakuru witwa Cesar Luis. Uwo mutoza ni Javier Mascherano wari usanzwe utoza ikipe y'igihugu ya Argentine y'abatarengeje imyaka 20.
Uyu mugabo w'imyaka 40 yamenyekanye cyane ubwo yari umukinnyi dore ko yakiniye amakipe atandukanye arimo West Ham United, Liverpool na FC Barcelona.
Javier Mascherano wakinaga nka myugariro ari muri FC Barcelona yakinanye Lionel Messi imyaka 8 ndetse banakinanye mu ikipe y'Igihugu ya Argentine.
Ntabwo ari Lionel Messi gusa agiye gutoza mu ikipe ya Inter Miami kandi barakinanye dore ko hari na Luis Suarez, Jordi Alba na Sergio Busquets, aho bose bakinanye muri FC Barcelona.
Javier Mascherano ari muri iyo kipe yo muri Espagne yatwaranye nayo ibikombe birimo 5 bya shampiyona na 2 bya UEFA Champions League.
Lionel Messi agiye gutozwa na Javier Mascherano bakinanye mu ikipe y'Igihugu ya Argentine na FC Barcelona
Eng
RSS 
TANGA IGITECYEREZO