Ishyirahamwe ry'umupira w'amaguru mu gihugu cya Brazil, CBF ryatangaje ko Vinicius Junior afite inkomoko mu gihugu cyo ku mugabane wa Afurika cya Cameroon ndetse ribimuhera n'icyemezo.
Kuwa Kabiri ni bwo ikipe y'igihugu ya Brazil yanganyaga na Uruguay 1-1 mu mikino yo gushaka itike y'igikombe cy'Isi cya 2026 kizabera muri Leta Zunze Ubumwe z'Amerika, Canada na Mexico.
Mbere yuko uyu mukino ukinwa, ishyirahamwe ry'umupira w'amaguru muri Brazil ryabanje gutangaza ibipimo ndangasano (DNA ) bya rutahizamu Vinicius Junior.
Ibi bipimo byerekanye ko ibisekuru by'uyu mukinnyi bikomoka muri Cameroon. Ibi byakozwe mu rwego rwo guha icyubahiro abanya-Brazil bakomoka muri Afurika by'umwihariko abakina umupira w'amaguru.
Vinicius Junior ari kumwe na Se yahise anabihererwa icyemezo. Se w'uyu mukinnyi witwa Vinicius José Paixão de Oliveira yavuze ko ari ingirakamaro kumenya aho bakomoka.
Yagize ati "Ni ngombwa kuri twe kumenya aho dukomoka. Abanya-Brazil benshi mu by'ukuri ntibazi ibisekuruza byabo, umurage wacu. Ariko ndishimye kuba dukomoka muri Cameroon ".
Mu mukino wa Brazil na Uruguay, Vinicius Junior yakinnye yambaye umwambaro wihariye wariho idarapo rya Cameroon na Brazil.
Vinicius Junior yahawe icyemezo ko afite inkomoko muri Cameroon
Eng
RSS 
TANGA IGITECYEREZO