Umutoza ukomoka muri Espagne, Pep Guardiola ashobora kongera amasezerano y'umwaka umwe atoza ikipe Manchester City nyuma y'uko benshi bari biteze ko ashobora kuyivamo mu mwaka utaha wa 2025.
Nk'uko ikinyamakuru The Athletic cyabyanditse, impande zombi zamaze kumvikana ndetse byitezwe ko ikipe izabitangaza mu minsi igiye kuza. Pep Guardiola yemeye kongera amasezerano y'umwaka umwe ariko ashobora kongerwaho undi mwaka mu gihe yaba ari kwitwara neza.
Ibi bibaye nyuma y'uko benshi bari biteze ko uyu mutoza ubabaza amakipe menshi azava muri Manchester City mu mwaka utaha ubwo amasezerano ye yari asanganwe azaba arangiye ndetse akaba yari yaranaciye amarenga ko ari ko bizagenda.
Pep Guardiola yageze muri Manchester City muri 2016 nyuma yuko yari yaratoje ikipe ya FC Barcelona imyaka 4 ndetse na FC Bayern Munich yo mu Budage imyaka 3.
Kuva yagera muri iyi kipe yo mu Bwongereza, uyu ni umwaka wa 9 akaba amaze gutwarana nayo ibikombe 18 birimo bitandatu (6) bya Premier League ndetse na bibiri (2) cya UEFA Champions League yayihesheje bwa mbere mu mateka yayo.
Ikipe Manchester City ntabwo yatangiye neza uyu mwaka w'imikino dore ko kugeza ubu imaze gutsindwa imikino ine yikurikiranya, ibintu bibaye bwa mbere kuri Pep Guardiola kuva yatangira gutoza.
Ku rutonde rwa shampiyona iri ku mwanya wa kabiri n'amanota 23 aho irushwa na Liverpool iri ku mwanya wa mbere amanota 5 mu mikino 11 imaze gukinwa.
Pep Guardiola agiye kongera amasezerano y'umwaka umwe mu ikipe ya Manchester City
Eng
RSS 
TANGA IGITECYEREZO