Mu mukino Barcelona FC yatsinzemo Red Star Belgrade ibitego 5-2, myugariro w’iyi kipe, Pau Cubarsi yasohotse mu kibuga ku munota wa 67 nyuma y’uko yakubiswe umugeri wo mu maso na Uros Spajic wa Red Star Belgrade.
Myugariro wa Barcelona, Pau Cubarsi ndetse n’ikipe ye batangaje ko ameze neza nyuma yo kudodwa igikomere cyo mu maso, nk'uko umutoza Hansi Flick yabivuze.
Uyu munya-Espagne w'imyaka 17, yakomeretse mu gice cya kabiri ku munota wa 67 mu mukino wa UEFA Champions League ubwo FC Barcelona yatsindaga Red Star Belgrade ibitego 5-2 ku wa Gatatu.
Igikomere cya Pau Cubas cyaje ubwo Uros
Spajic yamukubitaga umugeri ku maso agerageza gukuraho umupira wari mu kirere.
Cubarsi watangiye gukinira FC Barcelona afite
imyaka 16, akimara gukomereka yahise ahabwa ubufasha bw’ubuvuzi mu kibuga mbere
yo gusimburwa, nyuma yo kugaragara afite amaraso mu maso n’igisebe
cyagaragaraga.
Nyuma y'umukino, Flick yagize ati: "Yari
akeneye kudodwa, ariko ameze neza." Nyuma yaho muri iki gitondo, FC Barcelona yashyize ku mbuga nkoranyambaga ifoto ya Cubarsi arimo guseka, ikaba yari iherekejwe n'ubutumwa bugira buti: "Meze neza."
Myugariro Pau Cubarsi wasohotse mu kibuga yuzuye amaraso we na FC Barcelona batangaje ko ameze neza
Eng
RSS 
TANGA IGITECYEREZO