Manchester City yongeye gusinyisha Ilkay Gundogan

Kuri uyu wa Gatanu, Manchester City yatangaje ko yongeye gusinyisha Ilkay Gundogan ukomoka mu Budage. Mu 2016 nabwo uyu mugabo yasinyiye Manchester City, aho ariwe mukinnyi wa mbere Pep Guardiola yaguze akimara kubona akazi ko gutoza iyi kipe.

Mu myaka irindwi Ilkay Gundogan yamaze muri Manchester City mbere y'uko ajya muri FC Barcelona, yari yarayifashije gutwara ibikombe 14, yari yarayitsindiye ibitego 60, mu mikino 304.

Ilkay Gundogan wari umaze umwaka akinira FC Barcelona, yahisemo guhita atandukana nayo, gusa ntabwo yayisize amara masa, kuko yaguze Umunya-Espagne, Dani Olmo uzajya akina umwanya we.

Umwaka yari amaze muri FC Barcelona, yananiwe kuyihesha igikombe cya Shampiyona, cyane ko cyegukanwe na Real Madrid. 

Kuri uyu wa Gatandatu, Manchester City yamaze kongera kwibikaho Ilkay Gundogan izakina na Ipswich Toun. Umukino wa mbere, yari yatsinze ibitego bibiri ku busa bwa Chelsea. 

Kugeza ubu, Ilkay Gundogan yanyuze mu Makipe arimo Bochum, FC Nurberg, Brussia Dortmund, Manchester City, FC Barcelona, arongera asubira muri Manchester City. 

Ilkay Gundogan wari umaze umwaka akinira FC Barcelona, yagarutse muri Manchester City 

FC Barcelona yatandukanye na Ilkay Gundogan 

Ibyo Ilkay Gundogan yafashije Manchester City, harimo no gutwara UEFA Champions League