Ni abahanga! Igisobanuro n’imiterere y’abitwa ba Cyriaque

Izina Cyriaque, rifite inkomoko mu gihugu cy’u Bugereki n’Ubukristo bwo ha mbere. Rikomoka ku izina ry’Ikigereki Kyriakos, risobanura ‘uw'Uwiteka.’ Kyriakos ryari izina risanzwe mu muryango wa gikirisitu kuko ryashushanyaga umubano w'umuntu n'Imana.

Nyuma y’igihe, iri zina ryagiye rihindurwa mu buryo butandukanye, mu mico n'indimi zitandukanye, ari naho havuye Cyriaque riri mu rurimi rw’Igifaransa.

Bimwe mu biranga abitwa ba Cyriaque:

Cyriaque ni umusore ugira ubumuntu, kandi ugira ubuntu.

Aba yumva yakora ibishoboka agahindura isi ahantu heza. Akoresha impano afite mu kuzana impinduka.

Ni umuhanga, kandi akunda kugaragara neza haba mu buryo agaragara mu bandi no mu myitwarire ye. Mu ruhame, aba yumva ari we wakwitabwaho cyane kurusha abandi.

Abitwa ba Cyriaque, bakunda ibintu biri ku murongo cyane kandi usanga bahuza n'abantu b'ingeri zose ndetse bibasaba umwanya muto cyane kumenya imico y'umuntu runaka.

Kimwe mu bibababaza ni ukubona hari abadashima ibikorwa byabo.

Mu buzima busanzwe, ba Cyriaque bakunze kuba abakinnyi b'amafilime, abanditsi b'ibitabo, abakora umwuga wo gushushanya, ubukerarugendo, ababyinnyi cyangwa abahanzi. 

Abantu babakundira ukuntu bigirira icyizere aho bari hose, nubwo usanga bakunze guhura n'ababagirira ishyari benshi mu buzima.

Cyriaque ntakunda kubaho wenyine ahunda aba yumva yahorana n'abantu benshi.

Biramworohera cyane kugaragariza abandi ibyiyumvo bye cyangwa amarangamutima ye, ntashobora kubigumana. 

Isooko: myfirstname.rocks