Ikipe ya Liverpool, Manchester City na Chelsea zaguye muswi mu mikino yo ku munsi wa 21 wa shampiyona y'icyiciro cya mu Bwongereza.
Ni mu mukino yakinwe mu ijoro ryo kuri uyu Wa Kabiri tariki ya 14 Mutarama 2024. Saa yine z'ijoro Nottingham Forest yari yakiriye Liverpool kuri City Ground.
Uyu mukino watangiye ikipe ya Liverpool ihererekanya umupira neza ndetse n'abarimo Cody Gakpo bakagerageza uburyo.
Ku munota wa 8 Nottingham Forest yaje kubona uburyo bwa mbere izamukana umupira Anthony Elanga awushyira kwa Chriss Wood maze aragenda arekura ishoti riragenda riyeganyeza inshundura igitego cya mbere kiba kirabonetse.
Nyuma yo gutsindwa Liverpool yatangiye urugendo rwo gushaka uko yakwishyura ariko ba myugariro ba Nottingham Forest bakaba ibamba.
Iyi kipe ya Arne Slot yakomeje gushaka igitego inabona uburyo gusa ntibubyaze umusaruro nkaho Trent Alexander Arnold yahaye umupira mwiza Luis Diaz nawe washoboraga kuwuha Cody Gakpo akubyaza umusaruro ariko atinda kubikora birangira awatswe.
Mu gice cya kabiri nabwo Liverpool yaje ikomeza gusatira abarimo Mohamed Salah bagerageza uburyo.Ku munota w 60 Nottingham Forest yabonye kufura nziza iterwa na Anthony Elanga ariko Allison Backer ayikuramo.
Liverpool yaje gukora impinduka mu kibuga havamo Ibrahim Konate na Robertson hajyamo Kostas Tsimikas .
Nyuma yo gukora impinduka ku munota wa 66 yahise ibona igitego cyo kwishyura gitsinzwe na Diogo Jota akoresheje umutwe kuri koroneri yaritewe na Kostas Tsimikas.
Liverpool yakomeje gusatira cyane gusa umunyezamu wa Nottingham Forest Matz Sels akora akazi akuramo ibitego byabazwe birangira amakipe yombi anganyije igitego 1-1.
Indi mikino yakinwe Brentford yanganyije na Manchester City ibitego 2-2 naho Chelsea nayo inganya na AFC Bournemouth 2-2.
Kugeza ubu Liverpool iracyayoboye urutonde rwa shampiyona n'amanota 47 aho irusha amanota 6 Nottingham Forest iri kumwanya wa 2. Ni mu gihe Chelsea yo iri kumwanya wa 4 n'amanota 37 naho Manchester City yo ikaba kumwanya wa 6 n'amanota 36.
Imikino ya Premier League irakomeza kuri uyu Wa Gatatu ikipe ya Arsenal yakira Tottenham Hotspur, Newcastle United yakira Wolves, Leicester City yakira Crystal Palace naho Everton yo yakire Aston Villa.
Liverpool yanganyije na Nottingham Forest igitego 1-1
Eng
RSS 
TANGA IGITECYEREZO