Dr Jeanne d'Arc Mujawamariya wari Minisitiri w'Abakozi ba Leta n'Umurimo yirukanwe ku mirimo ye kubera ibyo agomba kubazwa akurikiranweho.
Mu gitondo cyo kuri uyu wa Kane ni bwo hagiye hanze Itangazo riturutse mu Biro bya Minisitiri w'Intebe ryemeza ko Dr Jeanne d'Arc Mujawamariya yirukanwe.
Iri tangazo rigira riti: "Hashingiwe ku biteganywa n'Itegeko Nshinga rya Repubulika y'u Rwanda cyane cyane mu ngingo yaryo ya 116; None kuwa 25 Nyakanga 2024 Dr Jeanne d'Arc Mujawamariya yirukaywe ku mirimo yari ashinzwe nka Minisitiri w'Abakozi ba Leta n'Umurimo (MIFOTRA) kubera ibyo agomba kubazwa akurikiranweho".
Dr Jeanne d'Arc Mujawamariya yayoboraga MIFOTRA kuva mu kwezi gushize nyuma y'uko yari avuye ku mwanya wa Minisitiri w'Ibidukikije yari yaragiyeho muri 2019.
Itangazo ryaturutse mu Biro bya Minisitiri w'Intebe
Eng
RSS 
TANGA IGITECYEREZO