Mu gihe andi makipe ategereje ko abakinnyi bava muri Euro na Copa America ngo abone gutangira gusinyisha abakinnnyi bashya, si ko bimeze kuri Chelsea yasinyishije Kiernan Dewsbury-Hall, na Tottenham Hotspur yasinyishije Archie Gray.
Kuri uyu wa Kabiri, Chelsea yasinyishije Kiernan Dewsbury-Hall, umusore wakinaga mu kibuga hagati muri Leicester City. Uyu mukinnyi w'imyaka 25 y'amavuko wakuriye muri Foxes Academy, yasinye amasezerano y'imyaka itandatu azarangira muri 2030.
Dewsbury-Hall, nyuma yo gusinya imyaka itandatu muri Chelsea, yagize ati "Ni iby'agaciro kwisanga ndi umukinnyi wa Chelsea. Ni ikipe buri wese aba ahanze amaso, ni ikipe kandi buri mukinnyi akura afite inzozi zo gukinira."
Dewsbury-Hall ageze muri Chelsea avuye muri Leicester City, akaba akurikiye umutoza wamutozaga Enzo Maresca nawe wabonye akazi ko gutoza Chelsea nyuma yo kuzamura Leicester City mu cyiciro cya kabiri.
Dewsbury-Hall, abaye umukinnyi wa kane Chelsea isinyishije muri iyi mpeshyi, nyuma ya Tosin Adarabioyo wavuye muri Fulham ku buntu, Omar Kelyman wavuye muri Aston Villa kuri Miliyoni 18£ na Marc Guiu wavuye muri Barcelona kuri Miliyoni 5£.
Uretse Chelsea yibitseho Dewsbury-Hall wakiniraga Leicester City, na Tottenham Hotspur kuri uyu Kabiri yasinyishije Archie Gray, wakiniraga Leeds United mu kibuga hagati.
Archie Gray w'imyaka 18 y'amavuko, nawe yasinye amasezerano y'imyaka itandatu akinira Tottenham, akaba azarangira muri 2030.
Tottenham Hotspur yasinyishije Archie Gray wakiniraga Leeds United
Amasezerano ya Archie Gray w'imyaka 18 y'amavuko azarangira muri 2030
Chelsea yasinyishije Kiernan Dewsbury-Hall wakiniraga Leicester City
Kiernan Dewsbury-Hall yageze muri Chelsea akurikiye umutoza we Enzo Maresca
Eng
RSS 
TANGA IGITECYEREZO