Ni abizerwa! Igisobanuro n’imiterere y’abitwa ba Oprah

Izina Oprah ni izina rihabwa abana b’abakobwa rifite inkomoko mu rurimi rw’Igiheburayo ku ijambo ʿOrpā,’ rikaba risobanura ‘ijosi’ cyangwa se ‘icyana cy’impongo.’

Muri Bibiliya, Oprah ni umugore uvugwa mu gitabo cya Rusi. Yakomokaga i Mowabu kandi yari umukazana wa Naomi, akaba n'umugore wa Chilion. Nyuma y'urupfu rw'umugabo we, Orpah na muramukazi we Rusi bifuzaga kujyana i Yudaya hamwe na Naomi.

Bimwe mu biranga abitwa ba Oprah:

Ba Oprah baba ari abanyembaraga, bagira impuhwe n’ubwenge bwinshi. Bagira ubuntu kandi bazi kwita ku bwiza bwabo.

Ni abanyakuri, bakunda kwigenga, kwizerwa no guceceka rimwe na rimwe. Bazwiho kwiyemeza cyane no kwizerwa.

Oprah ni umukobwa w’umukozi uzwiho kugira umwete no kudatinya kugerageza ikintu cyose gishya mu buzima bwe.

Ni umwizerwa cyane ku bamukikije kandi azi kwita ku bantu akunda. Rimwe na rimwe baganzwa n’amarangamutima yabo, bityo bakayagaragaza mu buryo bworoshye.

No mu bihe by’impinduka runaka, ba Oprah bakomeza gushikama kandi bakamenya kwisanisha n’ibihe ibyo aribyo byose, ariko kandi bakunda kuba ahantu bumva batekanye.

Iyo bahuye n’ibibazo bamenya kwiyakira vuba, ariko rimwe na rimwe nabo bahagarika imitima yabo bikabaviramo guturika (kugaragaza amarangamutima yabo vuba).

Umwe mu byamamare byatumye iri zina rimenyekana cyane, ni umuherwe Oprah Winfrey Uyu, ni umunyamakuru, umukinnyi wa filime, akaba n’umugiraneza ukomoka muri Leta Zunze Ubumwe za Amerika.