Bayer Leverkusen yamaze kwegukana igikombe Cya Shampiyona mu Budage, yemereye abafana bayo gushyira ama tattoo y'iyi kipe ku mibiri yabo, kugira ngo bazarusheho kwishimira umwaka udasanzwe ikipe yagize.
Bayer Leverkusen ya Xabi Alonso, muri uyu mwaka w'imikino ntabwo izi uko gutsindwa bisa mu marushanwa yose. Ndetse inafite intego yo kwegukana ibikombe bitatu ingunga, nyuma yo kugera ku mukino wa nyuma wa Europa League.
Ubwo Bayer Leverkusen yanganyaga na AS Roma ibitego bibiri kuri bibiri igahita igera ku mukino wa nyuma wa Europa League, yari yujuje umukino wa 49 idatsindwa muri uyu mwaka w'imikino mu marushanwa yose.
Mu itangazo riri ku mbuga nkoranyambaga za Bayer Leverkusen, niho basobanura ko abafana bagomba kwishyiraho ama tattoo y'ikipe kugira ngo bigaragaze umwaka udasanzwe ikipe yagize.
Nyuma yo kwegukana igikombe cya Shampiyona mu Budage, Bayer Leverkusen iri ku mukino wa nyuma wa Europa League, ndetse ikaba izakina Final y'igikombe cy'igihugu aho izacakirana na Kaiserslautern.
Bayer Leverkusen isigaje gukina imikino itanu gusa ngo ipfundikire umwaka w'imikino. Isigaje imikino itatu ya shampiyona, umukino wa nyuma wa Europa League, na Final y'igikombe cy'igihugu.
Bayer Leverkusen itozwa na Xabi Alonso, yakanguriye abafana gushyira tattoo y'ikipe ku mibiri yabo kugira ngo bizagaragaze umwaka udasanzwe ikipe yagize
Eng
RSS 
TANGA IGITECYEREZO