DJ Diddyman yatanze ubusobanuro bw'indirimbo nshya ‘Mbiri Yose’ ya Annie Mutoniwase-VIDEO

Abari n’abategarugori babakora umuziki wo kuramya no guhimbaza Imana bakomeje kwiyongera, umwe muri abo akaba ari Mutoniwase Annie ubarizwa muri Dopedee Entertainment.

Mu kiganiro na inyaRwanda, DJ Diddyman ureberera inyungu z’uyu mukobwa uba muri Leta Zunze Ubumwe z’Amerika, yasobanuye ko ‘Mbiri Yose’ bisobanuye ‘Icyubahiro ni icye iteka ryose’.

DJ Diddyman yakomeje ashimangira uburyo Imana ikwiriye icyubahiro kuko ari yo imenya igeno rya buri umwe, avuga ko kugeza ubu bari gukora iyo bwabaga ngo Annie Mutoniwase abashe gukora ibihangano byinshi kandi byiza.

Kugeza ubu Dopedee Entertainment ibarizwamo abavanzi b’umuziki batandukanye ariko Annie Mutoniwase akaba ari muhanzi rukumbi bafitemo.

Gusa DJ Diddyman ari na we uyiyobora ajya anyuzamo akifashisha abahanzi bagakorana indirimbo nk'iyo aheruka gukorana na Yee Fanta umucuzi w’umuziki unabihuza n’ubuhanzi.

Annie Mutoniwase amaze gushyira hanze indirimbo eshatu harimo n’iyi nshya hiyongeraho ‘I need you Lord’, Nashimwe.

KANDA HANO UREBE UNUMVA MBIRI YOSE YA ANNIE UMUTONIWASE

Annie Umutoniwase umuhanzikazi ukomeje kuzamuka neza mu muziki wo kuramya no guhimbaza Imana DJ Diddyman asanzwe ahuza umwuga wo kuvanga umuziki n'itangazamakuru aho akorera ikigo cy'igihugu cy'itangazamakuru [RBA]