Cole Palmer yashimagije umutoza wa Chelsea wamugize umukinnyi udasanzwe

Umwongereza ukiri muto Cole Palmer, kuva yagera muri Chelsea amaze kuba umukinnyi udasanzwe. Uyu mukinnyi w'imyaka 21 y'amavuko, yageze muri Chelsea aguzwe miliyoni 40€. N'ubwo akina mu kibuga hagati, Cole Palmer amaze gutsinda ibitego 12.

Muri Manchester City, Cole Palmer yakinnye imikino 41, gusa imyinshi muri iyo yayikinnye asimbuye. Uyu mukinnyi usigaye nawe ubwe yumva ko ari umukinnyi ukomeye yabwiye BBC Sports ati: "Mauricio Pochettino yangize umukinnyi udasanzwe.

"Iyo Mauricio Pochettino agutoza, anakubaza uko byifashe mu muryango ukomokamo. Iyo amaze kukumenya wese, agira uko agukurikirana, bikabyara umusaruro mwiza mu kibuga".

Kugeza ubu Cole Palmer ni umwe mu bakinnyi beza bagenderwaho n'umutoza Mauricio Pochettino muri Chelsea iri kubaka politike yo gukinisha abana bato.

Kugeza ubu Cole Palmer niwe mukinnyi ufite ibitego byinshi muri Chelsea, dore ko amaze gutsinda ibitego 12 mu mikino 31 muri uyu mwaka w'imikino.

Cole Palmer yabanje mu kibuga ku mukino wa Calabao Cup, warangiye Liverpool ibatsinze igitego kimwe ku busa.

Cole yongeye ati "Mauricio Pochettino ampa uburengerazuba bwo gukina imikinire yanjye. Nkunda uburyo yumva buri mukinnyi akanemera ko akina ibyo yumva".

"Ibyo atoza ndabikunda. Buri gihe nkunda uburyo aba abaza buri mukinnyi niba hari icyo yungutse, akanamushishikariza kunguka imikinire mishya kandi igezweho".

Kuva Cole Palmer yagera muri Chelsea, ntabwo iratsindwa na Manchester City. Umukino wa mbere yatsinze igitego cyatumye amakipe yombi anganya ibitego bine, uwa Kabiri amakipe yombi anganya igitego kimwe kuri kimwe.

Cole Palmer yemeza ko kuva yagera muri Chelsea yabaye umukinnyi udasanzwe

Akiri muri Manchester City, Cole Palmer yatsinze igitego cyatumye yegukana super Cup

Cole Palmer ni umwe mu bakinnyi beza bari muri Chelsea

Cole Palmer yamenyekanye muri Manchester City y'abakiri bato