Phil Foden arahabwa amahirwe yo kwegukana Ballon d'Or mu myaka yavuba

Umwongereza Phil Foden w'imyaka 23 y'amavuko, muri uyu mwaka w'imikino amaze gutsinda ibitego 15 n'imipira 10 yabyaye ibitego. 

Phil Foden niwe Mwongereza uhabwa amahirwe yo kuzegukana ballon d'Or vuba, nyuma y'uko byatangwajwe na Thomas Frank utoza Brentford.

Ubwongereza uherutse kwegukana iki gihembo vuba ni Michael Owen wayitwaye muri 2001. 

 Ballon d'Or, ni igihembo gihabwa umukinnyi witwaye neza kurenza abandi muri uwo mwaka w'imikino. Ni igihembo gitangwa ku bufatanye n'ikinyamakuru cyo mu Bufaransa France Football n'ishyirahamwe ry'umupira w'amaguru ku Isi FIFA.

Umutoza wa Brentford Thomas Frank Yagize ati " Phil Foden ni umukinnyi mwiza, ushobora kuzatwara Ballon d'Or. Mu bakinnyi bakomoka mu Bwongereza, niwe mbona ko afite ubushobozi bwo kuzatwara iki gihembo.

Ku itariki 5 Gashantare, Phil Foden yatsinze ibitego bitatu imbumbe, ubwo Manchester City yakinaga na Brentford. Barongera guhura kuri uyu wa Kabiri mu mukino w'ikirarane wa English Premier League, umukino wasubitswe ubwo Manchester City yakinaga igikombe cy'Isi mu makipe asanzwe.

Guhamya ko Phil Foden ari umukinnyi udasanzwe kuri Thomas Frank, ibi byagaragaye nk'ubwoba afitiye uyu mukinnyi, ukina mu Kibuga hagati muri Manchester City.

U Bwongereza buheruka umukinnyi watwaye Ballon d'Or Muri 2001, itwawe na Michael Owen. Ni nako kandi abongereza badakunze kugera mu bakinnyi batatu ba nyuma bahabwa amahirwe yo kwegukana iki gihembo. Ababiheruka ni Steven Gerrard na Frank Lampard muri 2005.

Muri iyi myaka ya vuba, abandi bongereza bahabwa amahirwe yo kwegukana iki gihembo ni Jude Bellingham wa Real Madrid na Harry Kane wa Bayern Munich. Baherutse kuza mu bakinnyi 30 bahabwaga amahirwe yo kwegukana iki gihembo umwaka ushyize.

Bukayo Saka ukinira Arsenal, nawe ni Umwongereza ushobora kwegukana ibihembo bikomeye, ariko ibi akabigeraho abifashijwe n'uko yabasha guhesha Arsenal ibikombe bitandukanye.

Walter Phil Foden, ubwo hatangwaga Ballon d'Or ya 2021 yabaye umukinnyi wa 25 mu bakinnyi beza Isi ifite, naho mu 2022 aba uwa 22.

Thomas Frank utoza Brentford, yavuze ko Phil Foden ari umwe uzatwara Ballon d'Or mu myaka ya vuba