DJ Innox ufasha abahanzi gukorera ibitaramo muri Leta Zunze Ubumwe za Amerika n’ahandi akaba n’Umuyobozi wa Innox Entertainment, yambitse impeta y'urukundo umukunzi we Kathia Sow.
Dj Innox niwe wafashije abarimo Christopher, Bruce
Melodie, Platini n'abandi gukorera ibitaramo mu Mujyi itandukanye yo muri
kiriya gihugu.
Yabwiye InyaRwanda ko ku wa Gatandatu tariki 17
Gashyantare 2024, ari bwo yateye intambwe yo kwambika impeta umukunzi we Kathia
usanzwe akomoka mu Burundi.
Ibi birori yatumiyemo inshuti ze n’abandi byabereye
kuri Rooftop Resto of Cambria Hotel Downton mu Mujyi wa Portland muri Leta ya
Maine.
Yavuze ko imyaka itanu ishize ari mu rukundo n'uyu
mukobwa, kandi yishimiye ko yamubwiye 'Yego'. Ati “Birashimishije gutera
intambwe y’ubuzima n’umuntu ukunda nawe agukunda mwumvikana. Ni umuhanga,
arakunda kandi ni mwiza, mbese yari yujuje buri kimwe nari nkeneye ku mukobwa.”
Innox avuga ko mu rugendo amaze ategura ibitaramo
yishimira intambwe itafari amaze gushyira ku muziki w’u Rwanda. Yagize uruhare
mu gufasha umunyamerika Ne-Yo mu bitaramo yakoreye muri Amerika, Massamba
Intore, Bruce Melodie, Meddy, The Ben n’abandi benshi.
Ati “Rwari urugendo rutoroshye ariko byarashobotse.
Gutangira ufasha abahanzi bo mu Rwanda gutaramira muri Amerika nyuma ugakorana
n’abanyamahanga ni ibintu bikomeye cyane. Ndatekereza no muri uyu mwaka hari
abo tuzakorana cyane.”
Uretse gutegura ibitaramo by’abahanzi Nyarwanda muri Amerika, uyu mugabo yanagize uruhare mu gushora imari mu buhanzi, kuko yagize uruhare runini mu ikorwa ry’indirimbo ‘Why’ ya Diamond wo muri Tanzania aa The Ben.
Kanda hano urebe bimwe mu bikorwa bishamikiye ku muziki bya Dj Innox
Dj Innox yambitse impeta y'urukundo Kathia amuteguza
kurushinga nk'umugabo n'umugore
Innox yavuze ko imyaka itanu ishize ari mu rukundo
n'umukunzi we yagejeje ku kwiyemeza kurushinga
Innox yavuze ko hari byinshi yakundiye uyu mukobwa
w'umurundikazi
Innox na Kathia bahuje inshuti n'abavandimwe muri ibi birori byabaye ku wa Gatandatu tariki 17 Gashyantare 2024
Innox n'umukunzi we batangiye paji nshya mu mubano wabo
Ku wa 9 Nyakanga 2022, Innox yateguye igitaramo cya
Ne-Yo muri Amerika
Innox aherutse gufasha Christopher gukorera ibitaramo
muri Amerika yabaye muri Nzeri 2023
Bruce Melodie mu mpera za 2023 yatanze ibyishimo muri
Leta Zunze Ubumwe za Amerika
Platini yataramiye muri Maine bigizwemo uruhare na
Innox Entertainment
Dj Innox yashoye imari mu ndirimbo 'Why' ya The Ben na Diamond yasohotse ku wa 4 Mutarama 2022
KANDA HANO UREBE AMASHUSHO Y’INDIRIMBO ‘WHY’ YA THE BEN NA DIAMOND
TANGA IGITECYEREZO