Ikipe izegukana irushanwa ry'Uburwari, izahabwa miliyoni 6 z'amanyarwanda, gusa ikazaba hari n'andi mafaranga yabonye mbere.
Kuri iki Cyumweru tariki 28 Mutarama, ni bwo irushanwa ry'igikombe cy'Ubutwari rizatangira, rikaba rizitabirwa n'amakipe 4 ya mbere muri shampiyona y'u Rwanda.
Amakipe azitabira iri rushanwa, ni ikipe ya APR FC iyoboye urutonde rwa shampiyona, ikipe ya Musanze FC ya kabiri, ikipe ya Police FC ndetse na Rayon Sports ya kane.
Ku cyumweru Saa 15:00 ikipe ya APR FC izakira Musanze FC, naho saa 18:00 PM Police FC yakire Rayon Sports. Mbere y'uko buri kipe yitabira, izaba Miliyoni imwe y'amanyarwanda kugira ngo yitegure.
Ikipe izatsinda umukino wa 1/2 izahabwa indi miliyoni imwe, ikipe izegukana igikombe izahabwa Miliyoni 6, naho iya kabiri ihabwe miliyoni 3. Ikipe ya Musanze FC kuko iva mu ntara izahabwa ibihumbi 600 byo gukoresha mu rugendo.
Mu cyiciro cy'abagore, ikipe ya AS Kigali WFC izakina na Rayon Sports WFC. Buri kipe izahabwa ibihumbi 200 mbere y'irushanwa, ikipe izatwara igikombe izahabwa miliyoni 4 hanyuma ikipe ya kabiri ihabwe miliyoni 2.
Eng
RSS 
TANGA IGITECYEREZO