Banga ijambo gushyingirwa! Ibyamamare 10 byavuze impamvu bitinya urushako

    Dore urutonde rwa bamwe mu byamamare byatinye gushak abagabo n'abagore nk'uko bitangazwa na BuzzFeed

           1. Diane Keaton

Diane Keaton umugore ukomoka muri Leta Zunze Ubumwe za Amerika wamamaye mu gukina filime yujuje imyaka 78 nta rushako, kuko yavuzeko atazigera abana n’umugabo.

Mu kiganiro n’umunyamakuru witwa Katie Couric yagize ati “ Ntekereza ko impamvu ntashatse ari uko nasabwaga ibisobanuro byinshi igihe nari gushyingirwa.Ntekereza ko nakurikije mama umbyara. Nifuzaga ubuzima bwanjye ko mbubera umuyobozi, kandi nakuze ntinya abagabo.

Nubwo atigeze ashaka umugabo ngo babane mu nzu, yahisemo kubayara abana babiri aribo Dexter Keaton na Duke Keaton.

           2. Eva Mendes

Uyu mukinnyi wa filime ukomoka muri Amerika  amaze kugira imyaka 49 atarafata umwanzuro wo gushaka umugabo. Eva wabyaye abana babiri, yatangaje ko urushako arwubaha kandi akunda ubumwe buba hagati y’abashakanye ariko ibyo bigahabana n’umwanzuro yafashe.

Yatangarije Chelsea Handler via Digital Spy ati “ Sindi mu barwanya gushaka umugabo kuko mbona ntako bisa kugira ubumwe ugahuza urugwiro n’uwo mwashakanye, ariko ikirenze ibyo sinabikora kuko sosiyete ibitegeka cyangwa bisa nk’ihame kuri bo”.

Yatangaje ko yahitamo kubana n’umukunzi we nubwo yaba burundu, ariko isezerano rimuzirika akumva ataryifuza.Ati “ Biraryoshye kubana n’umukunzi tukishimana imyaka myinshi ariko ijambo rivuga kubana n’umugabo mu nzu rirabishye mu matwi yanjye”.

         3.Bill Maher

Uyu musaza w’imyaka 67 ntiyigeze ashaka umugore, ndetse nta mwana yigeze abyara. Bill Maher umukinnyi wa filime, umunyarwenya ndetse akaba n’umunyamakuru ukomoka muri Amerika, yatangaje ko nta mugore akeneye mu buzima bwe.

Ati “ Sinibaza ukuntu umuntu muzima afata umwanzuro wo kubana n’undi umunsi ku wundi, ukwezi ku kwezi umwaka ku wundi. Sinjya mbikurura ngo mbyumve neza”.

           4.  Leonardo DiCaprio

DiCaprio wamamaye nka Jack muri filime ya Titanic akunze kuvugwa mu rukundo, ariko imyumvire ivuga ku rushako akayamaganira kure byihuse igihe abajijwe kuri iyi ngingo.

Yatangarije Parade agira ati “ Ukuri guhari ni uko, utateganya gushyingiranwa.Ntawabitegura, iyo byaje biraba ntabwo ubihoza mu mutwe birizana”. 

Leonardo DiCaprio ukomoka muri Amerika  nta mwana afite ndetse nta mugore arashyingiranwa nawe ku myaka 49, gusa ari mu rukundo n’umunyamideri uzwi nka Vittoria Caretti.   

           5.Mindy Kaling

Vera Mindy Chokalingam wamenyekanye nka Mind Kaling ni umukinnyi wa filime ukomoka muri Amerika  w’imyaka 44. Ntarabyara umwana ndetse yahakaniye kure ibyo gushaka umugabo.

Yatangaje agira ati “ Sinkeneye gushaka umugabo. Sinkeneye uwariwe wese kugirango  ampe ibyo nshaka cyangwa ibyo nifuza, kuko ibyo byose nshobora kubyifasha”.

           6.  Shakira

Umuhanzi Shakira wamenyekanye mu ndirimbo zirimo Waka Waka, yavuze ko ijambo ryo gushaka umugabo arifata nk’umwanda kandi ndabitinya. Ati “ Mvugishije ukuri sinifuza umuntu umfata nk’umugore we umunsi ku wundi, byarutwa nuko ambona nk’umukunzi.

            7.  Winona Ryder

Allison Brooks Ryder avuga ko umwanya afite ari uwo kwitekerezaho no kumenya icyo ashaka kimukwiriye, ndetse avuga ko ashobora gushaka ariko atashaka nabwo akumva anyuzwe.

Ati“ Mpugiye mu kwiyitaho menya uwo ndiwe n’ibikwiriye mu buzima bwanjye. Byaba byiza mbonye uwo dusangira ubuzima bwanjye ariko ntamubonya naba nyuzwe nishimye nk’ibisanzwe''.

 Ku myaka 64 nta mwana yabyaye.

            8. Marlon Wayans

Marlon Lamont Wayans ni umukinnyi wa filime akaba n’umunyarwenya w’umwirabura ukomoka muri Amerika. Uyu we yahisemo kureka gushaka umugore kugirango yite kuri nyina kuko nawe yabonaga ari umugore.

Ati “ Sinigeze nshaka umugore kuko mama wanjye yari ankeneye. Abagore rimwe na rimwe baba bakeneye kwitabwaho birenze, bakifuza kwiharira ibyawe byose birimo n’urukundo. Mama wanjye niwe twishimana”.

               9.    Jamie Foxx

Eric Marlon Bishop wamenyekanye nka Jamie Foxx yamenyekanye mu buhanzi butandukanye burimo no gukina filime. Jamie Foxx w’imyaka 56  yakunzwe muri filime zirimo The Burial.

Ati “ Sinigeze nshaka ariko  imyumvire yo gushaka sinjye wayizanye! Ubwo rero ibyo si ibyanjye”.

             10.   Kilie Minogue

Kylie Ann Minogue AO OBE  ni umuhanzikazi ukomoka muri Australia  ugejeje imyaka 55 agihakana ibyo gushaka umugabo.

Agira ati “Gushaka umugabo nicyo kintu ntigeze nshaka cyangwa ngo kimpangayikishe. Ababyeyi banjye ntibigeze babinshishikariza, nanjye nakuze bitari mu ntego zanjye”.