Eddy Kenzo,Diamond Platnumz na Koffi Olomide mu bazaririmba muri All Africa Festival i Abu Dhabi

Iyi gahunda y’iri serukiramuco rya All Africa Festival uba ari umwanya mwiza ku banyabirori n’abanyamafaranga baba bidagadura byo ku rwego rwo hejuru mu muziki nyafurika, batembera mu bwato bishima babyina.

Ibiciro bikaba byaragenwe haherewe ku muntu winjira ari umwe hakaza abifuza kuryitabira nk’umuryango byose kandi bifite n’imyanay y’abanyacyubahiro.

All Africa Festival ikaba ari kimwe mu bintu bikurura ba mukerarugendo,ukaba uba ari umwanya mwiza abantu bishimira gakondo n’umuco nyafurika ariko na none no gukomeza kwuteza imbere.

Mu bihe byatambutse Umuyobozi Mukuru wa All Africa Festival akaba n'umwe mu bayitangije, Nina Olatoke  yatangaje  ko biteguye neza ku kirwa cya Yas muri Abu Dhabi ahazabera iki gikorwa.

Iri serukiramuco rikaba rizamara iminsi 3, ku munsi wa mbere hazaba ari tariki ya 02 Gashyantare 2024, abahanzi Omah Lay, Tekno, Vegedream, Stonebwoy na Vigrodeep nibo bazarifungura.

Naho tariki ya 03 Gashyantare 2024, Diamond Platnumz, Gims, Elgrandetoto, Sha Sha, Lij Mic na Hleem Taj Alser nibo bazasusurutsa abazitabira.

Mu gihe rizashyirwaho akadomo n’abahanzi Yemi Alade, Nora Fatehi, Koffi Olomide, Kamo Mphela na Eddy Kenzo ku wa 04 Gashyantare 2024.

Buri munsi kandi hazajya haba hari abahanga mu kuvanga umuziki barimo Berita, Santo, Skales, RJ The DJ usanzwe ari we DJ wihariye wa Diamond Platnumz.Uko abahanzi bazagenda baririmba ndetse n'abashyushyarugamba n'abavanzi b'umuziki muri All Africa FestivalYemi Alade uheruka gutaramira mu Rwanda mu mpera z'umwaka wa 2023 ari mu bazataramira Abu DhabiOmah Lay uri mu bahanzi bakiri bato bihagazeho muri Afurika azinjiza abantu mu bwiza bw'iserukiramuco ku munsi waryo wa mbereDiamond Platnumz uri mu bihagazeho byumwihariko mu Karere k'Ibiyaga Bigari ni we uzaba ayoboye abazatarama ku munsi wa KabiriEddy Kenzo uri mu bahanzi bake babashije guhatana mu bihembo mpuzamahanga bya Grammy na BET azatarama ku munsi wa GatatuKoffi Olomide na we azatarama ku munsi wa Gatatu ari na wo uzashyira akadomo kuri iri serukiramuco