Abitabiriye ubukwe bwa The Ben na Pamella bahuriye mu masangiro-AMAFOTO

Ubukwe bw’abo bwatangiye ku gicamunsi cyo ku wa Gatandatu, ubwo basezeranaga imbere y’Imana, mu muhango wabereye kuri Eglise Vivante Rebero, bikomereza muri Kigali Convention Center ahabereye umuhango wo kwakira abatumiwe.

Ni ibirori byarangiye ahagana Saa Sita z’ijoro, biherekezwa n’ibirori byo kwinegura ibizwi nka ‘After Party’ byabereye muri B-Hotel iherereye i Nyarutarama muri Kigali.

Amafoto yagiye hanze agaragaza The Ben, Parrain we Jimmy, Bad-Rama, umuhanzi Muhoza Janvier, umuhanzi Babo, abo muri Kigali Boss Babes n’abandi bari kwishimira intangiriro y’ubuzima bushya bwa The Ben n’umugore we.

Ibi birori byabereye kuri iriya Hotel, mu rwego rwo kugirango The Ben yakire inshuti ze ndetse banaganire.Bamwe muri bo bagiye bafata ijambo ry’ishimwe.

Ubwo yari muri Kigali Convention Center, umubyeyi wa Pamella yavuze ijambo ryiganjemo gushima Imana ndetse n’ababatahiye ubukwe.

Ati “Turanezerewe cyane ku bw’ibirori byiza Imana yaduhaye. Mbanje gushima Imana mbere ya byose, kuko Imana yakoze ibikomeye turanezerewe. Ndashima Imana ku byiza Imana ikoreye abana bacu uyu munsi…”

Yasabye Imana kurinda The Ben na Pamella batangiye 'ubuzima bushya'. Abwira The Ben na Pamella kwiragiza Imana muri uru rugendo rushya batangiye.

Ati "Ndabashimiye rero uburyo mwitwaye neza, mukabasha kwigaragaza mu kereka imiryango yombi ibirori. Pamella ndagushimira cyane."

Uyu mubyeyi yavuze ko yateguriye urugo rwa The Ben impano y'imbuto mu rwego rw'igisobanuro cyo kuzagira ubuzima bwiza, kubyara bagaheka.

Ati "Iyi mpano iriho imbuto zitandukanye. Izo mbuto mu rugo zirakenewe, imbuto zifite ubusobanuro bwiza, mbese icyo bakeneye cyose mu buzima bazakibone, mu rubyaro, mbese buri kimwe cyose Imana izabahe umugisha."

Parrain wa The Ben, Jimmy we yavuze ko kuri we tariki 23 Ukuboza 2023 ari 'umunsi ukomeye ku bavandimwe banjye The Ben na Pamella'. Yavuze ko asanzwe akorana na The Ben mu buzima busanzwe na The Ben, kandi bamaranye imyaka itari micye.

Yisunze Bibiliya, yavuze ko urugo n'amatungo ubihabwa n'ababyeyi, ari nayo mpamvu nawe yiyemeje kubaka inzu mu kibanza yahawe na Ommy Dimpoz muri Zanzibar.

Ati "Hari umuvandimwe wamuhaye ahantu, nanjye nk'umubyeyi wawe nzahubaka. Nzahuka inzu, kugirango aba bantu bazabeho neza, nzamubaha hafi. Imana nidufasha tukaba tukiriho ntacyo uzabur, ntacyo uzamburana."

Nyuma yo kuvuga iri jambo, Jimmy yahamagaye abiganjemo ibyamamare n’abandi basanzwe bahurira muri Leta Zunze Ubumwe za Amerika.

Ommy Dimpoz yavuze ko yahaye The Ben ubutaka afite muri Zanzibar mu rwego rwo gushimangira ubushuti bafitanye.

Ommy Dimpoz yavuze ko yahagaritse gahunda zose yari afite mu mpera z'Ukuboza 2023 birimo nk'akazi k'umuziki, akazi ke gasanzwe n'ibindi, kugirango 'mbe mpari kuri uyu munsi w'abo'.

Dimpoz yabwiye The Ben na Pamella ko adashidikanya ku rukundo bafite Tanzania, ari nayo mpamvu yabageneye impano ya kimwe mu bibanza afite muri Zanzibar. Uyu musore yavuze ko asanzwe afite ubutaka bunini muri Zanzibar, avuga ko azaha The Ben ikibanza.

 

Uhereye ibumoso: The Ben, umuyobozi wa B-Lounge, Jimmy [Parrain wa The Ben] ndetse na Bad Rama

 

Uhereye ibumoso: Umuyubozi wa B-Lounge, The Ben ndetse na Jimmy 

Umuhanzi Babo ari mu bitabiriye ubukwe bwa The Ben, inshuti ye y'igihe kirekire

Umuhanzi Janvier Muhoza ari kumwe na Uwicyeza Pamella 

Ibirori bya 'After Party' byahuje inshuti n'abavandimwe 

The Ben yafashe Amafoto n'abarimo Janvier Muhoza

Abo muri Kigali Boss Babes bavuye muri Kigali Convention Center berekeza muri B-Lounge 

The Ben yahamije isezerano rye n'umukunzi we Uwicyeza Pamella

Producer Ishimwe Clement ndetse na Producer Element ubwo bari muri Kigali Convention Center