Ubwo Al-Nassir yakinaga umukino wa 17 muri Shampiyona ya Saud Professional League, Cristiano Ronaldo yatsinze igitego cya Gatatu, afasha ikipe ye kubona amanota atatu.
Al-Nassir yari yakiriye Al-Ettifaq kuri Al-Awwal Park. Ni umukino warangiye ari ibitego bitatu bya Al-Nassir kuri kimwe cya Al-Ettifaq.
Ibitego bitatu bya Al-Nassir, byagizwemo uruhare n'abakinnyi yakuye muri Manchester United.
Igitego cya mbere cyatsinzwe na myugariro Alexis Telles ku munota wa 43. Telles yagiye muri Al-Nassir avuye muri Manchester United.
Igitego cya Kabiri nubwo cyatsinzwe na Marcelo Brozovic, yagitsinze ku mupira yahawe na Cristiano Ronaldo nawe wavuye i Manchester. Cristiano Ronaldo yaje gutsinda igitego cya Gatatu kuri Penaliti.
Al-Ettifaq itozwa na Steven Gerrard wamamaye muri Liverpool, yatsinze igitego kimwe mu mukino. Ni igitego cyatsinzwe na Al Kuwaykibi ku munota wa 85.
Gutsinda uyu mukino, byatumye Al-Nassir iguma ku mwanya wa kabiri n'amanota 40. Irushwa amanota 10 yose na Al Hilal ya mbere, dore ko yo ifite amanota 50.
Al-Itthad ikinamo Karim Benzema, Ngolo Kante ndetse n'abandi bakinnyi bakomeye, yo iri ku mwanya wa Gatandatu ku rutonde rw'agateganyo rwa shampiyona ya Saud Professional League. Al-Itthad ifite amanota 28.
Cristiano Ronaldo yagize uruhare mu bitego bibiri, ubwo Al-Nassir yatsindaga Al-Ettifaq ibitego bitatu kuri kimwe. Al-Nassir ikomeje kuba iya Kabiri inyuma ya Al-Hilal
Eng
RSS 
TANGA IGITECYEREZO