Dr Patrice Motsepe yongeye gutorerwa kuyobora CAF

Uyu mugabo wari umukandida wenyine kuri uyu mwanya yatorewe kongera kuyobora CAF ku nshuro ya kabiri mu nama y'intekorusange idasanzwe yabereye i Cairo mu Misiri kuri uyu wa Gatatu tariki ya 12 Werurwe 2025.

Iyi nama y'intekorusange yari yitabiriwe na Perezida wa w'impuzamashyirahamwe y'umupira w'amaguru ku, Isi, FIFA, Gianni Infatino.

Dr Patrice Motsepe usanzwe ari nyiri Mamelodi Sundowns y'iwabo muri Afurika y'Epfo yari yatorewe kujya kuri uyu mwanya ku nshuro ya mbere muri 2021 Ahmad asimbuye Ahmad wagiyeho mu 2017.

Mu myaka ine amaze ari Perezida wa CAF , ibihembo by'amafaranga yatangwaga mu gikombe cy'Afurika yiyongereyeho 40% agera kuri Miliyoni 7 z'Amadorali.

Ntabwo ari ibi gusa kuko ibihembo by'amafaranga yatangwaga mu mikino ya CAF Champions League haba mu bagabo no mu bagore byariyongereye.

Yanatangije irushanwa rishya rya African Football League ryakiniwe ku nshuro ya mbere muri Tanzania rikegukanwa na Mamelodi Sundowns muri 2023.

Nyuma yo gutorerwa indi manda myaka ine, Dr Patrice Motsepe yavuze ko intego ari ugukomeza gutuma umupira wa Afurika uhatana ku rwego mpuzamahanga.

Yagize ati "Intego yo gutuma umupira w'amaguru muri Afurika uhatana ku rwego mpuzamahanga imari, kugira imari hamye,no gushobora mu bikorwa remezo bituma amakipe yacu n'abakinnyi bacu batera imbere iracyakomeje".

Mu batorewe kujya muri Komite Nyobozi ya CAF ni Mustapha Ishola,Samuel Eto’o,Sadhi Walid,Kurt Edwin-Simeon Okraku na Bestine.

Dr Patrice Motsepe asanzwe ari inshuti y'u Rwanda 

Dr Patrice Motsepe wongeye gutorerwa kuyobora CAF

Perezida wa FIFA yitabiriye inama y'intekorusange idasanzwe ya CAF