Umuhorandi Donny Van De Beek ukinira Manchester United mu kibuga hagati, nyuma yo kutabona umwanya wo gukina, yatangiye kuyisaba ko yamutiza mu Budage.
Eintracht Frankfurt yo mu Budage, niyo yagaragaje ko ishaka umuhorandi Van De Beek nk'intizanyo mu kwa mbere. Uyu mukinnyi ntabwo akibona umwanya wo gukina muri Manchester United.
BBC Sports ivuga ko kuva Donny Van De Beek yava muri Ajax Amsterdam muri 2020, byibuze yabanje mu Kibuga mu mikino itandatu ya English Premier League.
Uyu mukinnyi yari azi ko azajya abona umwanya wo gukina ubwo yageraga muri United muri Nzeri 2020.
Ibi byo kuva muri Manchester United, Donny Van De Beek abyumvikanaho na mwene wabo utoza iyi kipe Eric Ten Hag.
Ten Hag avuga ko Van De Beek agomba gushaka ikipe yabonamo umwanya wo gukina, kugira ngo urugendo rwe rutazasozwa nabi.
Eintracht Frankfurt yo mu Budage, yakunze kugaragaza ko yifuza uyu mukinnyi umaze kugira imyaka 26 y'amavuko. Gusa muri Mutarama, imushaka nk'intizanyo.
Mbere y'uko Manchester United ikina na Newcastle United, Eric Ten Hag yatangaje ko uyu mukinnyi agomba gutekereza ku hazaza he, bityo akanatekereza ko agomba gushaka ikipe yo gukinira.
Kuva yagera muri Manchester United muri 2020, Donny Van De Beek yakinnye imikino 62 mu marushanwa atandukanye, ayitsindira ibitego bibiri.
Donny Van De Beek arashaka gutandukana na Manchester United, agatizwa muri Eintracht Frankfurt yo mu Budage
Eng
RSS 
TANGA IGITECYEREZO