Niger: Umuryango wa Bazouma utewe impungenge no kutamenya uko ubuzima bwe buhagaze

Umuryango mugari wa Perezida wahiritswe ku butegetsi mu gihugu cya Niger Mohamed Bazoum uvuga ko nta makuru ye ufite kuva haburizwamo umugambi wo kumutorokesha.

Bazoum, n'umugore we n'umuhungu wabo, yafungiwe mu nzu ya Perezida kuva igisirikare cyamuhirika ku butegetsi ku itariki ya 26 Nyakanga uyu mwaka.

Nk'uko byatangajwe tariki ya 19 Ukwakira 2023 yagerageje gutoroka abishijwemo na bamwe mu basirikare bamurindaga hamwe n'umuryango we n'abakoraga akazi ko kumutekera n'abamurinda, akoresheje indege ya kajugujugu ariko umugambi wo kumujyana mu gihugu cya Nigeria wahise uburizwamo.

Abo mu muryango we bavuga ko igihe cya nyuma baherukira amakuru tariki 18 Ukwakira 2023. Muri Nyakanga uyu mwaka ubwo bahirikaha ubutegetsi bwa Bazouma ,batangaje ko kafashe ubutegetsi kubera ukuntu umutekano wari ukomeje kuzahara.

Kuva iryo hirikwa ry'ubutegetsi ryaba, abo mu muryango wa Bazoum bakomeje kwamagana hohoterwa bavuga ko ubutegetsi bushya bwa gisirikare bubakorera.

Umunyamategeko wunganira umuryango w'umukuru w'Igihugu wahiritswe ku butegetsi , Ould Salem Moustapha , muryango, yavuze ko uburyo umuryango wa Perezida Bazoum ufashwemo n'abategetsi ba gisirikare bibateye impungenge. Saïd yatanze ikirego mu rukiko kubera ukuntu bafashwemo.

Umuryango w'ubukungu w'ibihugu byo muri Afurika y'uburengerazuba (CEDEAO/ECOWAS) wasabye abasirikare bahiritse ubutegetsi kubusubizaho umukuru w'Igihugu watowe n'abaturage muri Nyakanga 2023.

CEDEAO yashyize igitutu ku gisirikare cya Niger ugaragaza ko Bazouma nadasubizwa ku butegetsi hazoherezwa Ingabo zituruka mu bihugu bya CEDEAO zikamusubiza ku butegetsi Niger yafatiwe n'ibihano bikomeye byo mu rwego rw'ubukungu ariko ibyo byose ntacyo byatanze kuko abasirikare bahiritse ubutegetsi bakomeje kuyobora Igihugu.

Ubutegetsi bwa gisirikare muri Niger bwavuze ko bishobora kubufata imyaka igera kuri itatu kugira ngo hasubizweho ubutegetsi bwa gisivile. Ibihugu bigize CEDEAO byanze icyo cyifuzo.

Perezida Mohamed Bazoum afungiye mu nzu ya Perezida kuva yahirikwa ku butegetsi muri Nyakanga uyu mwaka.