Sasha Vybz yahishuye umuhanzi wamuharuriye inzira

Sasha Vybz yaganiriye na pulse.ng ayihishurira ko ubwo Sheebah Karungi yamusanze muri Afurika y'Epfo akamukorera amashusho y’indirimbo yitwa Jordan ari nayo ya mbere. Mu 2014 nibwo Sasha Vybz yarimo yinjira mu mwuga wo gutunganya amashusho y’indirimbo icyakora yari yakoze iyitwa’Stree Free’ ya Eddy Kenzo na Face Off nubwo nta zina yamuzamuriye.

Muri iki kiganiro Sasha Vybz ahishura ko ubwo hakorwaga amashusho y’iriya ndirimbo ya Sheebah Karungi yari umunyeshuri i Cape Town mu bijyanye no gutunganya filimi ariyo mpamvu iriya ndirimbo yakorewe muri Afurika y'Epfo  

Ubwo yafataga amashusho ya Eddy Kenzo wo muri Uganda na Face Off wo muri Afurika y'Epfo  abayibonye baketse ko uwayitunganyije atuye muri  iki gihugu nyamara ari Umugande wagiyeyo kwiga ibyo gutunganya filimi.

Aha rero niho yemereje abahanzi bo muri Uganda batangira kumubenguka. Sheebah Karungi na Jeff Kiwanuka bahita bamusanga abakorera Jordan. Ubwo bari bagiye gutangira gufata amashusho’set’ benshi mu bari bavuye Uganda bagize ngo ni umuzungu bagiye gukorana. Ati:”Nari mu mwaka wa mbere nkora amashusho y’indirimbo ariko Sheebah yamfunguriye amarembo ndamushimira’”. 

Ian Akankwasa wiyise Sasha Vybz yanahishuye ko imyambaro yakoreshejwe muri iriya ndirimbo yaguriwe muri Afurika y'Epfo . Iyi ndirimbo Jordan iri kuri album ya mbere ya Sheebah Karungi yitwa Ice Cream. 

Yabonye izuba ku itariki 28 Ugushyingo 1991 avukira mu bitaro bya Kabale. Yize mu mashuri atandukanye arimo ishuri ribanza rya Kashozi, ishuri ryisumbuye rya Kitende n’ishuri rikuru rya Kampala.

Sasha Vybz yashimiye Sheebah Karungi wamuhaye akazi ku ndirimbo ya mbere yitwa Jordan yamwishyuye akayabo nubwo atayavuze

Nyuma yaje kwiga ibijyanye no gutunganya filimi “Majoring in Directing of Photography” muri kaminuza yitwa Media and Creative Arts riri  Cape Town yafatanyije amasomo no gutunganya amashusho y’indirimbo.

 Akiri mu mashuri yisumbuye yari umubyinnyi anaririmba muri Korali . Asoje amashuri yisumbuye hari inshuti ye yamurangiye akazi i Kampala ko gufotora muri imwe muri studio zari zigezweho. Nubwo yafotoraga ariko yakoresha amasomo yigiye kuri YouTube. 

Sasha Vybz yabaye inshuti ya hafi ya Sheebah Karungi ndetse baza no guturana. Mu bihe bya guma mu rugo Sheebah yishyuye Miliyoni 3 z'amashilingi ya Uganda Sasha Vybz amukorera amashusho ya 'Nakyuka'.

Sasha Vybz yasobanuye ko iyi ndirimbo yayikoze akoresheje Iphone 12 kuko gutwara ibikoresho birimo za camera n'amatara n'ibindi bitari koroha bitewe n'amabwiriza yabuzaga abantu kutava mu rugo keretse abakora imirimo imwe n'imwe y'ingenzi.

 Ni indirimbo yakunzwe cyane ku buryo avuga  ko amashusho meza adafatwa na camera gusa kuko na telefone zibikora kandi neza. Ni nayo ndirimbo ya Sheebah Karungi yarebwe cyane kuri shene ye ya YouTube.

REBA INDIRIMBO YAFATISHIJWE IPHONE 12 MURI GUMA MU RUGO

">

   

REBA INDIRIMBO 'JORDAN' YACIRIYE INZIRA SASHA VYBZ

">